方俊奪全國網絡歌手殿軍為港爭光 張偉文俾叻：冇睇錯人

方俊近日在第一屆 《中國寧夏．平羅全國網絡歌手大賽》勇奪殿軍外，並以6萬多票囊括「最佳人氣歌手獎」。

「靚聲王」張偉文經理人方俊即使失落TVB 《中年好聲音2》，但塞翁失馬焉知非福，在恩師張偉文鼓勵下，日前再戰第一屆 《中國寧夏．平羅全國網絡歌手大賽》決賽傳來喜訊，除勇奪殿軍外，更以6萬多票囊括「最佳人氣歌手獎」，為港區爭光。作為師傅的張偉文開心到爆說：「叻！我冇睇錯人，恭喜方俊。」

寧夏平羅縣委及縣政府舉辦全國歌唱比賽。

打入四強！

《中國寧夏．平羅全國網絡歌手大賽》參賽者從全國26個不同省份，數萬位報名者中，經專業評委海選300人進入初賽，再打入50強複賽，方俊跟前組合EO2成員彭廸安（Eddie）齊齊晉身12強決賽，最後方俊以廣東歌《一生不變》成功突圍。賽後他獲表演嘉賓潘美辰祝賀，方俊開心說：「面對超強對手，參賽心情如同坐過山車咁，所以得到呢個成績算係對得住師傅，對自己亦有交代，好滿足喇。」

《一生不變》代表香港區決賽。

全國現場直播。

現場觀眾超過三千人。

潘美辰合照向方俊祝賀。

方俊返港後第一時間跟張偉文及方媽媽分享喜悅，兩位老人家手持獎牌不停騎騎笑。為報答恩師栽培，最近方俊已安排張偉文搬往一間院舍較大，較有規模的老人院，所以精神都好咗。雖然負擔大咗，但能讓張偉文住得較舒適，安享晚年也在所不計，方俊認為最緊要有足夠人手照顧院友，令偉文身體健康。 方俊更承諾：「任何節日，任何開心嘅嘢，我都會第一時間同佢分享！」偉文即點頭畀叻，讚徒弟有情有義，成為他晚年最大依靠。

方俊的2個活寶寶。

方俊在演唱會上與張偉文相擁哭個不停，場面感人！

方俊4月15日在新光戲院舉行《維港口腔呈獻方俊燃亮愛演唱會2024》，獲恩師「靚聲王」張偉文在台上力撐，師徒更合唱一曲《每當變幻時》，張偉文不停流淚，方俊和他相擁哭個不停，場面感人，姚煒則以特別嘉賓身份上台獻花，至於方麗盈、王美蘭及新加坡歌后麗莎則助陣演出。

演唱會一開始方俊先以演繹8分鐘電視劇主題曲medley，包括靜婷《痴痴地等》、關正傑《殘夢》等，還演繹《訪英台》《山歌姻緣》。方俊更藉著今次個唱給予視障人士發揮才華平台，邀得香港盲人輔導會轄下The Cheers 樂隊合唱《We Can Overcome》，讚揚視障朋友正面樂觀態度值得敬佩。之後姚煒驚喜上台獻花，她被感動得眼有淚光，有感而發道：「好多人問我點解對方俊好？因為我覺得喺圈中搵唔到呢種人，佢係一個孝順仔，對朋友好又真心。見到佢同視障人士演出嘅場面真係好感動，散發出好大嘅感染力及正能量，亦給予我好大嘅鼓勵。」

方俊與香港盲人輔導會轄下Cheers樂隊合唱 「We can overcome」

之後由3位表演嘉賓分別演繹自己名曲外，方俊和方麗盈合唱《叉燒包》時，麗莎姐姐在後台第一次聽到這首歌曲，更笑言以為他們唱 「衰仔包衰仔包」，大家都捧腹大笑。張偉文則成為壓軸嘉賓，方俊特別選唱了張偉文的首本名曲《離別的叮嚀》鋪排恩師出場，方俊對偉文說：「屋企我同媽媽相依為命；但喺舞台就同你相依為命，你知唔知有好多歌迷很想見到你？好關心經常問我你現況？其實呢個舞台係屬於你嘅。」張偉文即爆喊，台下粉絲狂叫「加油」，sharp醒的張偉文回應說：「我知道！」方俊感性道：「落實開騷第一時間係通知你，更特別揀選唱你嘅名曲唱畀你聽。」張偉文呼籲觀眾全場一起開著手機燈一齊唱。二人便合唱了一曲《每當變幻時》，唱歌期間張偉文不停流淚，場面感人，方俊多謝大家一直關心張偉文的健康：「今日大家見到佢係一個健康嘅人，唔理世界點變幻，我哋都係咁愛錫張偉文。」之後著全場觀眾開著手機燈來個千人大合照，將相片放在張偉文的床頭，提醒他有很多人支持及愛錫他。

當方俊為大家送上全新歌曲「鼓舞」時，方俊竟然與一班美少女中學生勁歌熱舞，美少女中學生與現場觀眾紛紛為方俊喝采及歡呼，方俊首次在台上載歌載舞，驚喜連場。Encore 時方俊一口氣唱了3首羅文經金曲《長城謠》、《好歌獻給你》、《願望就是明天》，為個唱劃上完美記號。