確診張偉文由呈陽轉陰 經理人：算係過咗危險時期

祝早日康復。

第5波疫情嚴峻，老人院失守爆疫，而69歲「靚聲王」張偉文早前喺太子一間老人院舍確診並送到醫院醫治，住院期間一度傳出病情惡化消息，醫生一度指張偉文持續發燒，半邊肺變花及血含氧量偏低，情況不太樂觀，令人擔心，幸而日前經已退燒，病情轉向穩定。

張偉文上月喺老人院受感染。

張偉文仍然留院中，但新冠病毒快速測試報告經已呈陰性。

張偉文好返方俊最開心。

方俊新年期間曾放生為朋友祈福。

姚煒對張偉文都好有心，不斷為他祈禱。

張偉文漸見康復，情如父子嘅方俊最開心。

經過連日來張偉文朋友陳美齡、尹光、環星娛樂老闆張國林、姚煒等及fans集氣下，張偉文病情再傳來好消息，經理人好友方俊(Aman)今日再接獲醫生電話交代最新消息，醫生指張偉文病情進一步再好轉，新型冠狀病毒經已由陽性轉回陰性，𠵱家轉咗另一間隔離病房，同埋唔使再用氧氣機，胃口好，中氣十足可以講話，相當精神，算係過咗危險時期，暫時仍要用類固醇治療及藥膏治療壓瘡，惟一邊肺變花嘅問題需時康復和改善，應該唔會影響到唱歌。

Fans期待張偉文再現舞台。

方俊帶頭拍片鼓勵張偉文加油。

環星娛樂老闆張國林有拍片支持張偉文。

身在日本嘅陳美齡都拍片幫張偉文打氣。

張偉文𠵱家胃口大開兼且中氣十足。

張偉文現已脫離危險期，經理人好友方俊終於鬆一口氣。

方俊將於4月15日在北角新光戲院大劇場舉行演唱會。

方俊在71歲「靚聲王」恩師張偉文鼓勵下，月前已推出首隻單曲《鼓舞》，歌頌友情可貴，並為曾遇挫敗或受疾病煎熬的人打氣，帶出正能量，見於新歌反應不錯，方俊再於下月15日，晚上七時半在北角新光戲院大劇場舉行《方俊燃亮愛演唱會》，他並會將部份門票送贈視障人士及其家屬來「燃亮愛」，讓視障者都有機會感受及聽到音樂會，將對恩師張偉文的愛傳遞下去。

黃偉文欣喜得悉方俊舉行個人演唱會，勉勵方俊要做到最好，親口應承到場支持。

人情味濃濃，方俊偕張偉文出外，沿街市遇上熱情粉絲問候支持，祝「靚聲王」身體健康，更祝方俊演唱會good show！

好有善心的方俊照顧張偉文不遺餘力，他一直希望能舉行充滿愛心的音樂會，今次處男演唱竟能夢想成真，他說：「視障人士平日冇乜機會出去感受音樂會，我好希望佢哋都有呢個機會，可以能親身感受大舞台，最重要係體會到社會對佢哋嘅關愛，仲可以畀機會佢哋表演吓，上台唱一首歌，發揮天份。」

《方俊燃亮愛演唱會》海報

近日方俊忙於新歌及個唱做宣傳，仍不忘抽空到老人院探望張偉文及陪他飲茶。當偉文得知方俊開騷時表演興奮，叮囑他要做到最好，唔好失禮師傅。方俊乘機追問師傅：「偉文，你會唔會嚟撐我呀？會唔會嚟睇我騷呀？」張偉文即碌大雙眼精靈回應：「會！我唔嚟聽點撐你呀！」張偉文唔排除，好精神的話會考慮上台支持方俊唱《離別的叮嚀》：「但如果唱埋《訪英台》就會比較複雜。」語畢，張偉文技癢，即興唱半首《訪英台》， 唱得有板有眼，仲有埋造手功架，好有睇頭。

張偉文近年雖然患上認知障礙症，但也加入為方俊新歌《鼓舞》和音行列。外出期間，沿街及食店內有唔少fans上前問候及支持張偉文，希望偉文身體健康可以在網上唱多啲歌，更祝方俊演唱會good show。另外，音樂會嘉賓還有方麗盈、王美蘭及神秘殿堂級天后，門票在3月8日公開發售。

茶餐廳遇到粉絲爭相拍照。

方俊近期忙於新歌及演唱會宣傳未能前往探望偉文，日前方俊相約偉文茶敍，偉文威迫方俊演唱會一定要做到最好，叮囑完後笑逐顏開，非常高興！