政事
旺角暴動之後，各方有不同解讀，泛民中人曾提出一個陰謀論，話激進團體的幕後老細其實係阿爺，發動激進派搞亂香港，其實變相挺梁，令中央更有理由搵CY做下屆特首。
呢個陰謀論的最大漏洞係如果阿爺指得郁激進派，叫佢地唔好搞事，唔好拉布，早已天下太平，使鬼搞咁多嘢咩。
有趣的是，全國人大代表兼行政會議鄭耀棠昨日出席香港電台節目《 星期六問責》時，提出新的陰謀論，認為旺角騷亂與政府管治不佳成效無關，而是由一群反對特首梁振英連任的人在背後策動，做俾北京睇，若然中央再委任梁振英，會令香港情況惡化，意圖左右明年特首選舉的選情。
鄭耀棠話，「佢哋唔鍾意梁振英，未上台已經叫佢落台，所以唔係政府管治問題。暴動是要營造梁振英政府無能、 一事無成的印象。」但佢認為北京對暴動不會有太大反應，「 從北京角度呢啲濕濕碎，中共建黨至今60年，已經經歷咁多」。
他又預言旺角騷亂會常態化，將來久唔久有一單。
到底棠哥是借此為CY辯護，還是收到風有人在幕後倒梁， 咁就不得而知啦。可以肯定的是，他在北京有人脈有線路， 一定會遊說阿爺接受此理論。
Ariel
** 博客文章文責自負,不代表本公司立場 **
匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。
葉劉淑儀計劃在下月中港搞「2024全球繁榮峰會」。
峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。
諾貝爾化學獎得主科恩伯格教授將擔任主題演講嘉賓。
葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。
峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。
葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。
她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。
她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。
