有任職公務員網民在「公務員secrets」社交專頁撰文，指一名助理文書主任同事衣著光鮮但從來不肯透露住址，惹來發文者的猜測，結果一次強檢導致同事的公屋地址曝光，發文者於是恥笑同事「公屋仔，唔好ff（幻想）自己係一個EO（行政主任）」。
公務員因強檢被發現居住公屋，遭到同事恥笑。示意圖片
發文者說，最近新助理文書主任（ACO）入職，衣著光鮮，打扮得好似行政主任一樣，形容對方「一啲自知之明都無」，給予人感覺家境不錯。發文者一時無聊就想打聽男同事地址，男同事頓時起疑心，於是支吾以對敷衍過去。
巧合的是男同事居住的大廈中了強檢名單，「你話中就中咩，玩下手容乜易你係呃假，於是老闆叫佢畀證據，例如強檢公告。」結果間接披露了他只是居住公共屋邨。
資料圖片
男同事康復後返回辦公室繼續工作，發文者於是係從後面拍搏頭恥笑對方：「紙係包唔住火，xx邨，xx樓。」，又形容對方非常尷尬「睇到佢谷到塊面紅晒個樣真係想吱一聲笑出黎。」
發文者認為，「身位ACO要有自知之明，Even你打扮得再decent，終歸咎底只係一個ACO，而且仲要係一個公屋仔，唔好ff自己係一個EO。」
資料圖片
帖文引來激烈爭議，有人批評發文者缺德「學下咩叫尊重先投稿。」、「住公屋唔可以做政府工？而家住公屋先係皇道」、「著咩衫關你咩事？同工作表現有關？」、「乜返工唔可以著得靚嘅咩?人哋返工著得光鮮企理係尊重自己，尊重份工。唔通住XX邨, XX樓,返工只可以著舊衫褲?」。也有人指，「其實有好多公務員返工，著衫有時過分隨便，好似落街買餸咁。」。
資料來源：公務員secrets FB專頁
資料圖片
