黃大仙疑有虐鴿狂徒出沒。一名黃大仙街坊於社交網發文指，在鳯德邨見到一名中年男子手持1隻野鴿，對方聲稱打算「放生」，並將野鴿扔到附近斜坡。當該名街坊上前查看時，發現野鴿已死去，他擔心男子有意捕捉，甚至虐殺野鴿，故決定報警處理，並呼籲附近街坊留意。
黃大仙一名中年男子手持野鴿稱放生。FB圖片
該名街坊於facebook群組發文指，昨日（15日）發現一名中年男子於硃鳳樓對開的馬路附近手持一隻野鴿，「沿路行見到佢單手捉住隻郁嘅鴿」，故立即喝停對方並詢問其動機。
該名街坊上前查看時，發現野鴿已死去。FB圖片
該名中年男子則稱，「拎（野鴒）去放生」，惟樓主心感可疑，「我話你要放生就喺度放」，男子聞言便將野鴿扔上附近的斜坡，「我無為意佢走咗就行開咗」。樓主回頭一望，「見佢返轉頭，我又即刻返轉頭」。該男子眼見樓主沒打算離開，「佢見我唔走佢先走」。
樓主上前查看時，發現野鴿「已經俾佢整死咗」，懷疑該男子早有預謀捕捉野鴿帶走，甚至有意殺害野鴿，故特意發文呼籲街坊留意，「下一次可能可阻到此事發生」！他又指，經考慮後決定網上報警備案處理。
黃大仙男子持野鴿稱放生 街坊驚見鴿屍憂虐畜報警
帖文引起網民熱論，有街坊擔心該男子捕殺野鴿作不法用途，「睇相佢手揸住的鴿已經死亡，何解佢話放生，分明講大話」；亦有網民則指遇到同樣情況，應立即報警，「可以備案先，如有下次事件再發生又被人捉到係同一人，你嘅備案都係證據之一」。
資料來源：黃大仙區友(黃大仙，新蒲崗，鑽石山，慈雲山......)
黃大仙一名中年男子手持野鴿稱放生。FB圖片
有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。
的士誤衝屋苑消防通道
有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。
突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。
(FB圖片）
狗仔當場被撞斃 男童則擦傷
不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。
(FB圖片）
事主留言還原真相
帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。
(FB圖片）
(FB圖片）
網民大罵的士司機
不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。
亦有網民批評事主無用狗繩
不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」
事主解釋為何未用狗繩
樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。
(FB圖片）
帖文來源： 「車cam L（香港群組）」
