自稱是事件中小朋友母親在網上留言，批評店員第一句就話踢個公仔。
小童誤毀一個天價「天線得得B」Laa Laa模型公仔，事件引起不少網民熱議。有自稱是小童媽媽的網民發帖，表示當日已即時賠償，但形容公仔沒有任何固定或保護措施是離譜；又提到當初以為是小朋友推跌玩具，看到今日流傳片段之後，才知自己當時罵錯了小朋友。
家長發帖講述事件經過。網圖
這名媽媽表示，自己昨日帶小朋友參觀玩具店時，無留意小朋友只顧參觀展品，「突然發生好大聲，轉身個公仔爆哂頭，個員工第一句就話我個仔踢個公仔」。她聽到後全家人「嚇到呆哂」，但與店鋪商議後，她和丈夫決定即時賠償3萬元了事，直言心理壓力很大。
小童當時挨向天價公仔。網圖
然而閉路電視片段今日流傳後，竟發現店員所述與實際發生有很大出入，令她大感不滿：「佢故意，同唔小心，都係我教得唔夠好，但係佢屈我個仔，我都係收人哋send條片先知我鬧錯個仔。咁貴既公仔冇鎖住完全冇嘢圍住，我已經覺得好唔合理，我真係覺得好離譜！可以話（小朋友）佢唔小心，但屈佢踢，直頭覺得詐騙！」
媽媽發帖講述事件經過。網圖
不少網民都在媽媽帖文下方留言支持，表示「你應該要報警」、「幫小朋友拎返公道事大」、「這就是碰瓷」；亦有人關心小朋友心理健康，提到「小朋友成世應該出街有陰影，好慘」、「希望唔好怪小朋友啦」、「一定要輔導下個仔」。
公仔摔得支離破碎。網圖
