「天線得得B」Laa Laa模型公仔事件疑再有新進展。事件中小童的爸爸接受電台訪問時，憶述公仔破碎一刻。他指店員「冇屈我個仔踢跌公仔，但誤導咗我哋」，又指因為今次事件，仔仔今日向學校請假。
FB圖
小童父親接受電台訪問時指仔仔今年5歲，事發是在星期日下午6時半，他當時在店外接聽工人姐姐電話，忽然聽到「呯嘭一聲」，他隨即回頭望，發現店內涉事的公仔已倒地。
資料圖片
他又指，仔仔當時「僵晒好驚」，只低頭看著公仔，而店員亦向太太表示仔仔已踢過公仔一腳，當刻誤以為「個衰仔第一腳踢唔冧再踢二腳」，因此決定賠償了事，盡快帶兒子離開。他續說，公仔標價5萬多元，但店員聯絡公司後，決定只收成本價了事。
小童父親又澄清，「店員冇屈我個仔踢跌公仔，佢只係誤導咗我老婆，話之前已見到你個仔踢佢一腳」。
網圖
小童的父親說，仔仔回家沿途在車上「呆晒， 一句嘢都冇講過」，後來仔仔問了他3次「點解個公仔咁恐怖」。他指，自己沒有因為公仔事件責罵兒子，直到晚上9時許看到事發影片，發現兒子當時為避開人潮才向後挨，發現公仔倒下時更轉身伸手想扶起公仔，形容「好唔小心、好無助，我個心開始噏。」
被問到責任問題，他直言家長有責任看管小朋友，但同時店方亦應採取保護措施。
資料圖片
