有40多年歷史的香港仔珍寶海鮮舫因未能找到適合的第三方機構營運，不能落實珍寶海鮮舫捐贈計畫，更因牌照問題，今個月將移離香港，與香港告別。有南區老街坊感嘆：「好失落，可惜，一旦拖走咗唔會返嚟」。
老街坊冼培安侃侃而談海鮮舫的光輝歲月。
南區老街坊冼培安稱見證珍寶海鮮船興衰，笑言自己可做代表，「當年四十年代，原裝最早期海鮮舫的相我都搜購到，好難得架」。
冼生指，珍寶海鮮舫是香港的特色，是南區的代表、地標，以往是外國遊客必到之景點，「嗰時人人嚟到香港，個個都話要去香港仔食海鮮」，又可一觀南區避風漁港的風情，「好吸引！」。
香港仔珍寶海鮮舫。網圖
他覺得今次是港府政策問題，「不能一本通書睇到老」，城市不斷發展，汰舊換新，很多舊事舊物都消失了，珍寶海鮮舫九十代至二千年仍然能勉強經營下去，但現在突然說難以再營業，「政府就話若不續牌，連泊位都唔俾你，真係覺得有點那個囉」。他再感嘆：「珍寶海鮮舫是香港旅遊景點，連政府都不幫佢，你叫佢點樣生存！」
冼培安指珍寶海鮮舫是南區的地標。
建造一艘海鮮舫，在今時今日非易事，要符合很多條例及政府要求才能營運。冼指早兩年聽聞海鮮舫擁有機構無償捐贈予海洋公園都很高興，想不到海洋公園指不能接收珍寶海鮮舫，令人唏噓。他覺得政府做得不足。
他本是中國香港民俗攝影協會會長，前兩天聽到消息後，已趕來航拍下珍寶海鮮舫的最後身影留念。
香港仔珍寶海鮮舫。網圖
