家庭生活因錢而增加了夫妻間的拗撬 遭老婆投訴張致恒縱容兒子亂丟玩具

張致恒（Steven）老婆區燕雯（雯雯）不時於IG分享生活，家中大小事都不介意與外界分享。早前迎來第三個兒子，外界都擔心以他們的收入，要養3個小朋友可能會好困難，不過Steven兩公婆就曾公開回應：「窮唔代表冇資格生仔，窮有窮養。」但愛分享生活的雯雯，就不時於IG暗示生活艱難，曾自爆被逼遷，又自責未能帶小朋友去主題樂園玩。

張致恒一家早前迎來第3個兒子。

張致恒夫婦不時呻窮，被網民力勸不要再生小朋友。

雯雯又於IG分享生活，講到與老公教仔有分歧。

昨日（6日）雯雯又於IG限時動態大呻與老公教仔方式有分歧，講到最後又呻一句：「我自問冇咁多錢。」看來家庭生活因「錢」而增加了夫妻間的拗撬。而今次雯雯嬲爆原因是老公縱容啲仔亂丟玩具，更請大家不要再買禮物畀3個仔，「個仔撕爛晒啲書，一個幾百蚊嘅玩具周圍掉。當我話要睇實佢哋先好畀佢哋玩，佢哋爸爸只會話小朋友係咁，所有嘢身外物咪買過囉！我真係唔識教小朋友，我自問亦冇咁多錢，所以每一件玩具我都會好錫住。」有網民認為她不應該將責任完全推到老公身上，覺得她作為媽媽亦有責任教好小朋友，又有網民苦口婆心勸他們不要再生小朋友。

網民認為教小朋友，父母雙方都有責任。

網民強烈建議佢哋唔好再生。

有網民似乎覺得教小朋友，作為媽媽的雯雯應該更有責任。

張致恒縱容兒子亂丟玩具 老婆雯雯嬲爆：我自問冇咁多錢

雯雯公開過去一周家中發生連環不幸事件，包括她身體健康響警號、兒子生病、愛犬患癌，以及無錢交租被迫遷，但她表示就算咩都冇晒，都只希望所有小朋友同狗狗可以健康。

有「離婚界KOL」之稱的張致恒（Steven）和區燕雯（雯雯）婚後育有四名兒子，近年兩公婆經常在社交平公開家事，雯雯早前透露家中因欠電費被斷電，要PO QR code向網民借錢解決後，又自爆與媽媽斷絕關係後，昨日更在YouTube上載影片，公開過去一周家中發生連環不幸事件，包括她身體健康響警號、兒子生病以及愛犬患癌。

一家六口

雯雯早前透露家中因欠電費被斷電。

之後又自爆與媽媽斷絕關係！

觀看相關影片按連結：https://youtu.be/3zuL7ZiG4i0?si=yi1IlStplJENMM27

片中可見，雯雯先公開自己到醫院看急症的照片，並留言：「自己唔舒服，去咗急症，初步懷疑係腫瘤，要等化驗報告同再深入檢查。」之後又指，先是三仔天朗再次發高燒，「咳到唞唔到氣……嘔去睇急症。開咗藥返屋企。」之後又到另外兩個個囝囝同時感冒，「開始咳同（流）鼻水，少少發燒，去睇急症……驗晒冇中招。」

雯雯公開過去一周家中發生連環不幸事件，先是她身體健康響警號。

三仔天朗再次發高燒。

另外兩個個囝囝又同時感冒

而天朗病情比較嚴重，要留院觀察，雯雯表示：「朗朗持續成個星期都係高燒狀態，今次去急症，分流咗係緊急，即刻照X光入院，我完成冇準備下，就陪佢一齊入咗院，做一連串檢查。」她指這第一次離開囝囝，留他獨自在一個在陌生的地方，見到囝囝被綁住、抽血，她只可在門外聽囝囝大叫和大哭，並跟着一齊哭，「因為咁樣嘅關係，佢而家每晚瞓覺都會不斷嚇醒喊，要捉住我先再瞓。」最後，醫生指天朗有輕微嘶哮症，白血球比正常低，「如果返去再燒要即刻返病房。總括，係因為佢早產發生嘅一連串……再加佢免疫力好低，好容易感染。」

天朗病情比較嚴重。

要留院觀察。

檢查後，醫生指天朗有輕微嘶哮症，白血球比正常低。

雯雯又分享留醫第一晚囝囝不肯自己睡在床上，只能在她懷中才能安睡的照片，不禁感歎：「得歲幾又要經歷……」而她在醫院陪伴囝囝時，亦看到人生百態，令她有一番感受：「其實發生咩都唔怕，最可怕係身體唔健康，好想喺度祝福所有小朋友能夠健健康康。」

天朗要躺在媽媽懷中才能安睡。

禍不單行的是，雯雯家中的愛犬患上癌症，遭受連環打擊的她直言身心都好累，就算被迫遷都已無能為力，「呢個星期完完全全好似我一生唔好嘅嘢一次過發生。短短七日時間，承受嘅壓力我已經再唞唔到氣……身心都覺得好累，我自問已經冇氣力再撐到任何的事情。最後...結尾就係全家病晒，一個月就算姐姐到咗，都冇正常工作、冇收入，換來嘅就係冇交租要搬走，但事實我哋又點可能有一筆錢去租新地方。就算有，全香港都唔會有人租畀我哋。比着以往我會想盡辦法保住個屋企，乞……甚至出賣自己都要保住個屋企，但呢個星期發生嘅已經令我咩力氣都冇。自己持續肚痛，仲要日日夜夜照顧朗朗，擔心狗狗，我而家就算要瞓街，咩都冇晒，我只希望所有小朋友同狗狗可以健康，唔好離開我。」當中，雯雯完全沒有提及過老公張致恒，似乎兩公婆又有分歧。

禍不單行的是，家中的愛犬患上癌症。

遭受連環打擊的雯雯 直言身心都好累。

並表示就算要瞓街，咩都冇晒，只希望所有小朋友同狗狗可以健康。