新工茶餐廳派傳單兼做廚房 張致恒拒絕網民建議賣明星電話賺快錢

張致恒終於返工！

有「離婚界KOL」之稱的張致恒（Steven）和區燕雯（雯雯）婚後育有四名兒子，但一家長期經濟困難，雯雯經常在網上呻窮，雖然張致恒曾經去打工，又和老婆合作搞影片製作平台，但最終都無疾而終，張致早前更在IG貼出收款二維碼做「伸手黨」求助養被網民怒斥後表示已找到工作，並表示安頓好便會逐一還錢，昨日（4月2日）他就在IG公開他的新工作。

張致恒一家長期經濟困難。

張致恒早前曾因貼出收款二維碼做「伸手黨」，而被網民怒斥「進化成為乞丐」。

不過，不久後張致恒就表示已找到工作，並表示安頓好便會逐一還錢。

張致恒在IG Story貼出開工照，透露他正在尖沙咀的一間茶餐廳返工，相中他拿着傳單，並寫上：「過嚟尖東幸福中心，食午餐。飲靚奶茶啦喂，我派緊傳單，一陣間返入廚房。」此外，張致恒又貼出有網民建議他賣明星電話號碼搵錢，雖然有指他曾向Twins的蔡卓妍、鍾欣潼，關智斌等借到眾叛親離，但他良心仍在，並表示：「其實係幾吸引嘅，但我從來都唔會出賣朋友情！」又有自知之明說：「雖然我而家冇朋友。」

張致恒透露他正在尖沙咀的一間茶餐廳返工。

又表示網民建議他賣明星電話號碼搵錢，但他拒絕了。

由於兩公婆都曾表示因為要照顧四個囝囝，而且其中一個囝囝確診自閉及過度活躍症，所以未能抽身外出工作，之後雯雯又透露已請工人姐姐，待工人到達後，兩公婆其中一人就可以抽身工作，「仲有唔夠兩個月時間，姐姐嚟到我哋就可以重生，終於可以唔需要再求別人嘅幫助」，所以不少網民都留言追問：「請到工人姐姐啦？」不過，又有鑑於張致恒之前的工作都做唔長，所以仍有不少人對他打工的態度抱有懷疑，「睇吓今次做得幾耐」、「可能聽日又辭職」。

不少網民留言追問：「請到工人姐姐啦？」

亦有不少人對他打工的態度抱有懷疑。

原來，張致恒早前曾出PO表示仍有在情趣用品店打工，他現在似乎是一個人打兩份工。

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。