雯雯又爆seed 斥張致恒咎由自取 「歡迎另一半同我離婚」

沒完沒了。

有「離婚KOL」之稱的張致恒（Steven）與老婆區燕雯  （雯雯）四年抱四，生活開支龐大，長期財困，雯雯又周不時公開鬧爆老公張致恒又廢又懶，至上月底雯雯轉口風讚老公，外界以為二人關係改善之際，日前雯雯又發文插爆張致恒無反省，搞禍自己事業。

Steven與雯雯於2019年奉子成婚。

雯雯年頭曾發文暗示要離婚兼同老公割席。

上月底雯雯又發文訴心聲，轉口風罕有多謝老公

雯雯於3月8日凌晨雯雯發文，轉載一篇吳浩康日前回應Steven的新聞，直指自己從來沒有搞垮Steven的事業，並指責對方從沒反省：「如果要話我搞到自己老公事業冇咗，咁不如話五年時間，佢冇好好去反省同改變好自己，不斷重複自己嘅錯誤，先會導致到今日發生嘅事。」

今日又鬧爆指別人無資格出聲

雯雯又表示唔會因為別人一句話而改變，不再委屈自己：「可以講我要做一個懂得體諒嘅老婆，5年乜都做晒」。

雯雯話自己唔識在人前演戲，「我冇咁無聊搞任何人，正正常常一段婚姻，點解會搞成咁，唔會冇原因，只係我乜嘢都放晒喺塊面，唔識演姐（啫）！多謝大家關心，如果我做嘅嘢係咁惡劣，我隨時歡迎，我另一半同我離婚」。

最後表示下半年可以轉低調，「希望下半年不公開自己情緒，低調，可換來健健康康，從此遠離複雜嘅世界」。

雯雯IG限時動態截圖

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。