5歲B坐小巴瞓著頭搖又尾擺 乘客化身「護B天使」全程伸手護實

有兩子媽媽發帖分享港人愛心善行，該媽媽日前帶同分別為5歲半和3歲的兒子搭小巴，由於人多，5歲半兒子自己坐「單丁位」，誰知開車後，兒子竟「瞓著」，隨行車顛簸「個人不斷向左跌，個頭中來中去咁」，「頭搖又尾擺」險象環生之際，身旁女乘客竟好心伸手全程護著，不時托實，化身「護B天使」。

沙田之友FB圖片

該位媽媽在本周一（8日）下午4點45分在荃灣街市街，和兩名兒子坐小巴去大圍火車站，她表示車上剩最後4個位，「一個近車門口嘅單丁位，然後仲有3個位，不過每個雙人位都坐左個人」，送她上車的朋友向在坐乘客問有無雙人位願意「調位」，等媽媽可以和兩個兒子一齊坐，但無人理會。

沙田之友FB圖片

本來母子三人想落車再等下架，但突然下起大雨，遂決定上車，她和3歲兒子坐在司機位後面的雙人位，5歲半大仔則自己坐近車門口的「單丁位」。

沙田之友FB圖片

誰料一開車，大仔就攰極瞓著，「然後個人不斷向左跌，個頭中來中去咁，發揮左頭搖又尾擺飄移境界之最高境界，我抱住同樣瞓著嘅弟弟，一直觀望住哥哥， 心驚動魄得很，可惜愛莫能助，只能夠密切留意住，準備一有異樣就搏過去保護佢。」

沙田之友FB圖片

這時坐在大仔隔旁的一位女士，非常好心，全程伸手護住這小小的「不倒翁」，「托住我大B個頭，BB先無扭傷條頸，感激係8月8日下午4點45分，乘搭荃灣街市街去大圍火車站小巴這位女仕，一直用心留意住我大B個頭嘅動向，溫柔地輕輕托起，或扶正，或推回，用盡方法係唔吵醒大B的前提下，確保大B的安全。」

沙田之友FB圖片

對於這位「護B天使」，媽媽坦言「衷心感激」，「我一直喜歡做沙田友，感到莫名的自豪感。」

網民們紛紛為這位好心女乘客點讚：「好人好事，媽媽一打二真心唔易。」「人間有情。」「人間有愛。」但有不少網民同時批評當初乘客無人願意調位：「而家啲香港人點解可以咁忍心見到一個媽媽拖住兩個細啲都可以唔調位畀人，但嗰位小姐亦都好好，慶幸佢保護哥哥，有時小巴轉彎真係唔知掟咗去邊。」「換個位有幾難，小朋友坐係門個位係幾危險既事，換位都咁難更何況係讓位。」「而家啲人真係好冇同理心，換個位唔難，行多步姐。」

來源：沙田之友FB

沙田之友FB圖片

視障女帶導盲犬搭港鐵疑遭老翁歧視指罵，委屈落淚反擊獲乘客仗義力挺。網民心痛：狗狗眼神好無奈。

（FB影片截圖）

背心老翁疑不滿視障女子帶導盲犬搭地鐵

有網民於Facebook群組「香港突發事故報料區」轉發一段影片，事發地點為港鐵車廂內，影片顯示當時車廂內有很多乘客，一名女視障女坐在座位上拉著狗繩，一隻戴著導盲鞍的黑色導盲犬拉布拉多，則趴在女主人的腳邊。

女子疑受遭男乘客斥責委屈落淚，隔離女乘客連忙安慰，並指著站立於車門前、穿灰色羽絨背心的老翁說「佢唔識啫，唔使喊！」老翁轉過頭來，質疑狗狗並非導盲犬「做乜嘢導盲犬啫⋯」視障女子立即反駁「我盲睇唔到你啫，你無盲，點解睇唔到係導盲犬？」

（FB影片截圖）

乘客仗義挺身，幫口發聲！

當時亦有乘客仗義挺身，幫口說狗狗身上有寫明是導盲犬「佢係導盲犬嚟㗎！」、「寫到明係導盲犬」。老翁見勢色不對，便擰轉面停口。有乘客疑對老翁的無知感驚訝，表示「好得人驚」。有乘客則估計背心老翁怕狗，所以看狗狗不順眼。而導盲犬則一直乖乖趴在主人面前，好似知道被歧視，露出可憐委屈眼神。

（FB影片截圖）

事件曝光後網民批評老翁無知

影片曝光後，老翁的無禮無知行為引起公憤「咩年代呀，導盲犬都吾識」、「連導盲犬都唔知？乜人來架？」、「點解而家啲老人家咁冇知識嘅，連導盲犬都唔識真係可悲」、「同呢D人講野嘥時間，叫佢有咩不滿一係揾職員，一係報警」、「我都睇完佛都有火，盲人帶導盲犬正常，如果個叔叔感講既話係可以告話人該知歧視傷殘人仕架」、「眼疾可以有導盲犬，智障真係救佢唔到」。

（FB影片截圖）

網民心痛狗狗的遭遇

亦有不少網民心痛導盲犬「嚇親隻狗」、「狗狗眼神好無奈」、「狗狗好無辜」、「我只係覺得一隻狗做導盲犬，緝毒犬好慘」、「狗狗眼神好無奈，好唔開心」、「狗狗好驚咁」、「導盲犬為人服務 ，應得到尊重」。

帖文來源：Facebook群組「香港突發事故報料區」