香港寸金呎土,一屋難求,葵涌有居屋單位窗戶塞滿牀單被鋪,其中更有一至兩條厚被跌落樓下單位的簷篷,險象橫生,非常「牙煙」。有街坊直呼好誇張,又指若晾衫架不勝負荷隨即跌落街,連累其他無辜市民。
大約一小時後,涉事單位其後將被鋪收起。網上圖片
有網民日前在facebook群組「Mei Foo 美孚」上載一張照片,指荔欣苑一中層單位的窗戶塞滿大大小小的衣物、牀單及被鋪,連氣窗亦塞有一團白色衣物,不禁問道「會唔會有啲危險」。根據他上載的相片所見,晾衫架上本來已掛有多件衣服,但有大大小小的被單及被鋪從窗戶「湧出」,其中一張粉紅色的被更觸及到樓下單位的簷篷,非常危險。細心一看,更有一件白色衫已跌落樓下。
葵涌住客曬被塞爆窗非常「牙煙」,街坊:個架負荷唔到飛落街累死人。
多名街坊表示事件非常誇張,質疑涉事單位的戶主妄顧其他住客的安全,又指若樓上有人「掉煙頭落街」,隨時釀成火警,一發不可收拾,「跌落街累死人」、「真係好危險」、「驟眼睇以為屋企太多嘢擠咗出嚟」、「個架負荷唔到飛埋落街就不堪設想」、「分兩次曬唔得咩」。
葵涌住客曬被塞爆窗非常「牙煙」,街坊:個架負荷唔到飛落街累死人。
樓主初時表示會通知管理處,但大約1小時後再上載一張照片,指該單位已收回大部份被鋪及衣物,晾衫架上僅餘7至8件衫。
葵涌有單位的窗戶塞滿被鋪、床單及衣物。網上圖片
有的士疑誤衝何文田屋苑消房通道,意外撞斃狗仔及撞傷一名坐在BB車上的小童,意外引發熱議。
的士誤衝屋苑消防通道
有網民於Facebook群組 「車cam L(香港群組)」發文,表示日前目擊一家三口帶著狗狗到何文田屋苑樓下的公園散步,當時父母推著BB車,車內有一名男童,狗狗並沒有繫上狗帶。
突然,一架載客的紅的直衝屋苑消房通道,樓主憶述「的士佬又再唔睇路,明明成隻狗仔,加BB車,成家人都兜嘢噬埋去,喺畀住油嗰隻」。
(FB圖片)
狗仔當場被撞斃 男童則擦傷
不幸的是,狗仔當場被撞斃,而BB車上的男童亦有擦傷。從樓主上載的影片可見,涉事爸爸立刻上前質問司機,並大聲指罵「話衝入嚟就衝入嚟!」背景亦聽到一名女士的哭泣聲,相信是涉事媽媽因狗狗突然離世而哭。不過,樓主指司機並無悔意,只落低個窗,輕輕交低一句「報警囉」。
(FB圖片)
事主留言還原真相
帖文曝光後,涉事媽媽留言表示「我係狗主家人,請問有無當時狗狗係車轆附近相片?要交向警方處理」、「個個位置有閘口同有看更亭,正常係要停。我地係行人路,佢無收油直沖上黎」、「佢上斜我地落斜」。她又表示的士司機不但毫無悔意,更故意撒賴「佢依家話我地打左佢一拳要驗傷,仲話要玩到底」。
(FB圖片)
(FB圖片)
網民大罵的士司機
不少網民憤怒表示「記得帶小朋友睇醫生,比駕的士嚇親,慢慢同佢計數!」、「唉!狗狗安息,希望個官重判,動物都有生命,都要尊重」、「佢重唔落車果下,真心人渣黎」、「釘牌就最好,咁樣嘅揸車態」、「要報警追究,也希望小朋友儘早擺脫陰影。揸車真係要小心,一隻這麼可愛的小狗嘅生命就咁俾你斷送」。
亦有網民批評事主無用狗繩
不過,亦有網民指責事主沒有用狗繩「法例細狗唔需要狗帶係因為攻擊性弱,但唔代表你唔會俾車轆死,天陰陰你放隻灰衫bb在馬路爬行一樣會被轆死,要怪就怪無好好保護佢果個!」
事主解釋為何未用狗繩
樓主則回覆表示「當時位置係呢到,問點解行出馬道既,因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事,甚至乎笑容滿面。當警察黎到佢先落車行到好遠,仲出言不遜,最後小朋友已經送醫。狗仔都接走處理後事,多謝」。
(FB圖片)
帖文來源: 「車cam L(香港群組)」