阿Ben一吐上周連環失利烏氣!
《好聲好戲》第二季由阮兆祥及馮盈盈擔任主持,首輪出賽藝人有「乖女學霸」蘇韻姿、「實力蛇迷」戴耀明、「語言奇才」姜麗文及「過氣校草」袁偉豪,主席評判有汪明荃(阿姐)、金牌監製潘嘉德及資深配音員林國雄,其他評判團成員有配音員張頌欣、李凱傑、曹啟謙、陸惠玲、龍天生、黃鳳英、宋宛穎及楊潮凱,宋及楊更兼任首輪打氣團藝人。
觀看相關影片按連結:https://youtu.be/7u3BeSLssWA
9月5日晚一集,袁偉豪(阿Ben)夥拍好友葉泓聲聲演《創世紀》經典衝突場口,阿Ben經黃鳳英悉心培訓後,明顯有顯著飛躍,除了神還原陳錦鴻「公平咩」神韻,就連聲線亦跟陳錦鴻完美融合,最終獲得11盞綠燈滿分成績,一吐上周連環失利烏氣,黃鳳英大讚愛徒謂:「Good,太似錦鴻喇。」其他評判亦爭住畀Like:「層次好出,愈睇愈緊張,愈睇愈投入」、「睇到抖唔到氣」、「太好喇做得,我做咗你Fans」。其實阿Ben為了今個回合下了不少心機,主持阮兆祥補充謂:「Ben全程望住條片配音(唔使望對白),對白已經記晒入腦,足見佢用咗好多時間準備。」
一眾參賽者完成比賽後,三位主席評判和導師天生哥及鳳英姐一同退席商討賽果,表現出色兼由頭帶到尾的蘇韻姿(Andrea)獲得一置好評,阿姐大讚:「佢同阮政峰好有喜劇感,連個對手都揀得好,鬼妹都可以配得好好!」天生哥更直豎拇指謂:「佢唔只一條好,幾條都咁好,拿捏得非常好。」
上周完美倒模陳法蓉的姜麗文亦得到不少好評,阿姐說:「佢好聰明,進步得好快,同埋佢好喜歡模仿,呢樣好緊要。」黃鳳英亦讚道:「佢話當嚟一個Party,完全冇包袱,好開心同盡咗力,呢個出發點好好。」至於戴耀明及Ben則被指揀錯參賽片段。
最終Andrea毫無懸念成為首輪出線者,她分別獲得專業評判的一票、兩位導師的一票及三位主席評判各一票,一人包攬全數五票,可謂眾望所歸。9月6日晚播出的第五集輪到第二輪參賽者出場,包括樊亦敏、黃嘉樂、吳幸美及黃智賢。
此外,一班專業配音員於昨晚一集繼續大晒功架,輪流示範聲演參賽者過往作品。曾為動畫《多啦A夢》「野比大雄」配音的陸惠玲,聲演姜麗文在《星空下的仁醫》爆喊戲,精湛演出令大家睇到目瞪口呆,阮兆祥謂:「我唔講嘢住,我仲起緊雞皮。」天生哥更指陸惠玲其實好有善心:「佢好感性、好想做好事,好似癌症基金有小朋友好鍾意佢做嘅角色,透過我搵佢,佢二話不說就去配音!