內地網購5000元餐桌來港 網民一打開驚見粉碎

網購平台貨物應有盡有，近日有名網民稱花費超過5000港元，在內地網站訂購餐桌。貨物到達時外表完好無缺，但餐桌卻化為粉碎，該名網民亦不禁稱「我心碎了」！

餐桌邊緣碎裂。淘寶開心shareFB圖片

該名網民在facebook群組「淘寶開心share」發文指，她在集運平台接收自己近日以超過5000港元（包括運費）在內地網購的餐桌時，打開時發現包裝表面完好無缺，但包裝內的餐桌早已成為碎片，難以辨別原貌。

網民指圖為岩板餐桌。淘寶開心shareFB圖片

圖片可見包裝的木架和緩衝的包裝不足。淘寶開心shareFB圖片

貼文引起網民熱議，不少網民為樓主抱打不平，稱賣家、網購平台以及貨運公司都應負責賠款，「第一，打木架好有問題，唔會打咁少木條。第二，易碎字眼都沒隻，一定可以同賣家嘈，傾唔掂就影相搵淘寶介入」、「應該同賣家講明要包裝加固，如果講咗都出事就係賣家問題」、「影相去退款」；亦有網民質疑樓主選擇冒險集運而不選擇直送的做法，「箱面無註明易碎……經集運落嚟死硬（下次淘貴嘢盡量搵啲直送）」、「呢啲咁易碎嘅嘢，其實係咪俾多少少揀直送好過冒集運風險呢？」。

資料來源：淘寶開心share

包裝內缺少緩衝措施。淘寶開心shareFB圖片

花費5000港元的餐桌經集運後成為碎片。淘寶開心shareFB圖片

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」