小朋友搭巴士遺「婆羅州猩猩」獲有心人託管「唔忍心佢去堆填」

社會事

小朋友搭巴士遺「婆羅州猩猩」獲有心人託管「唔忍心佢去堆填」

2022年09月25日 21:57 最後更新：23:00

遺留隨身物時有發生，最近有網民在facebook群組上載照片，指在新巴上發現一隻「婆羅州猩猩」玩具，相信是小朋友遺下，笑言「回想返自己細個都有lost過favorite buddy，希望佢會返到佢主人手中」，故不忍心被人送往堆填區，於是先代為照顧，呼籲物主盡快取回。貼文引來網民熱烈討論，其中更有人笑言「一個人猿來都可以盡興」，亦有人讚揚樓主會站在小朋友的角度出發，非常感動。

樓主在facebook群組「香港失物報失及認領群組」上載兩張照片，指在24日傍晚6時30分於一輛開往西環的23號新巴下層位置拾獲一隻「婆羅州猩猩玩具」，「我係希慎上車時見到，應該係小朋友漏低（除非唔係）。回想返自己細個都有lost過favorite buddy 希望佢會返到佢主人手中。本來我打算由佢，但又唔係好忍到佢孤零零之後去堆填，而家暫時照顧住佢先，邊位家長認得要拎返就請DM我。」

貼文引來網民熱議，有人笑言樓主為何知道該隻猩猩是來自婆羅州，但亦有人憶起以前一單趣聞，指外國有小朋友遺下一隻恐龍公仔在山上，其後獲有心人拾獲，並帶到不同地方打卡，希望尋回物主，「隻恐龍仲變咗打卡熱點，不斷有人喺行山group post 返恐龍嘅去向...最後有人將佢帶返落山」、「有小朋友嘅人會企喺小朋友嗰度諗，真係好」、「你犀利吖，婆羅奶你都知」、「係愛呀」、「試下放走佢夜晚會番屋企」、「好正，繁忙中一點癒」「一個人猿來都可以盡興」。

往下看更多文章

拍賣網驚現「絕版」膠餐具標價呢位數網民膠餐具大曬冷：靠今鋪翻身！

2024年04月26日 12:30 最後更新：14:24

首階段管制即棄塑膠餐具及產品法例已實施，膠餐具可能自此成為絕響。日前就有港人趁勢於拍賣網拍賣某快餐廳「絕版」膠餐具，炒價更高達三位數！

賣家：屬走塑後停產外賣餐具極具收藏價值

日前有港人在拍賣網站售賣一間連鎖快餐店過往向顧客隨外賣免費派發的膠餐具套裝，他寫到「絕版大快活透明橙膠餐具套裝（肚餓食麵用咗隻叉，半價平出）」，而相中只是一隻橙色膠羹，拍賣底價標示竟是$200！他表示餐具屬於「4月22日實施走塑後同時停產的外賣餐具，極具收藏價值」更強調可多清洗循環使用，是環保人士的恩物。但最後指帖文純綷玩樂性質，旨在與網民開玩笑。

炒賣成熱議：呢次發達啦！

其後有網民將此拍賣膠餐具的事放在社交平台Facebook群組發文討論，隨即引來大批網民議論紛紛，他們留言「靠今鋪翻身！」、「呢次發達啦」、「有收藏價值，早知我都拎多啲」；亦有網民笑言「十年後先攞出嚟賣嘛」、「澳門人可儲定一堆當手信送俾香港親戚朋友」、「發錢寒」、「要不要來個塑膠收藏級博物館」、「香港人有乜都炒一餐」。

網民屋企膠餐具大曬冷

亦有不少網民找出家中的不少存貨「我屋企儲咗兩大袋」、「用完呢批再絕膠」、「有一套要收埋佢啦！」