小方單身5年大呻玩交友App無人理 笑言緋聞「假到黐線」自爆擇偶條件得一個

ViuTV節目《晚吹-有酒今晚吹》26日播出第124集，方力申（小方）擔任嘉賓，與主持品嘗威士忌。問到對緋聞的睇法，幾杯下肚的小方自爆已單身5年，笑言大多緋聞都「假到黐線」。不過翻查資料，小方同拍拖10的鄧麗欣於16年分手，數吓手指應該兩人分手6年喎，唔通同Stephy分手後有拍過散拖?

小方飲大兩杯講擇偶。

小方同Stephy拍拖十年於16年分手。

小方同馮盈盈傳過緋聞。

42歲的小方更被娟姐開玩笑指已過適婚年齡，令他意外發現原來年齡是其中一個結識不到女生的原因。小方自爆一直有玩交友Apps，但反應冷淡：「心諗點解無人like我嘅？原來因為佢哋無設定到對象係40歲以上，所以見我唔到。」 

小方同陳瀅緋聞傳足兩年。

今年初，傳小方送狗公仔畀陳曉華示愛。

小方大呻玩交友App無人理。

另外，講到擇偶條件，小方表示只有一個：「如果你喺我個腦入面，你就喺我心入面。如果我識一個人嘅時候，見到一樣嘢就會諗起佢嘅話，就即係鍾意佢。」問到會否介意另一半是外國人，小方笑言完全唔介意。

小方飲大兩杯好多嘢爆。

小方邊飲威士忌邊吹水。

小方單身5年玩交友App冇人理 笑言緋聞「假到黐線」擇偶條件得一個

原來方力申係Big Boss張頴康嘅幕後代理人！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！

小方身份曝光，原來佢係Big Boss張頴康嘅幕後代理人！

兩人年輕時已經認識。

兩人年輕時已經認識。

冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..

小方借協助警方為名，接觸張頴康為實。

張頴康「洗腦」搞到小方弒父。

形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！

小方幫張頴康報仇係為咗報恩。

呢場電腦大戰，小方爆晒汗兼爆晒青筋，「癲」味勁濃。

與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」

呢場電腦大戰，小方爆晒汗兼爆晒青筋，「癲」味勁濃。

小方發現咗新藥可以幫到張頴康，睇嚟二人之後同警方仲有一番龍爭虎鬥。