獲古巨基大讚編曲演唱才華全面 新晉歌手力臻：呢個Project好有傳承感

基仔大讚力臻多才多藝！

古巨基《I Really Love To Sing》音樂企劃第四彈，請來基仔形容為《IRLTS》的概念原點，新晉創作歌手力臻合唱自己二十五年前的作品《Can We Try》，編曲亦交由力臻負責，以他最為擅長的City-pop為《Can We Try》帶來全新曲風。

觀看相關影片按連結：https://youtu.be/uqaw_yiUzjE

基仔透露力臻是他這個《I Really Love To Sing》音樂企劃的原點，「我碌YouTube碌到個歌手叫力臻，佢個音樂風格好特別，於是Click著咗我邀請新歌手合作嘅呢個概念。佢係我嘅原點，我好想同咁新、咁特別嘅歌手合作，所以就聯絡佢公司。」

基仔表示邀請力臻合作前，並不知道他這麼多才多藝，「同舒老闆（舒文）喺錄音室一路聽一路話：『真係編得好！』。合作後發現佢編曲、各方面真係好好！好全面！」聽到基仔稱讚，力臻謙虛地說：「開頭古生叫我放心去做一個City-pop嘅版本，但我唔敢做到咁extreme、咁八十年代嘅嘅City-pop。我諗要唔要近返而家pop番少少呢？做完第一版，古生同舒老闆（舒文）俾多咗少少reference我聽，佢哋真係想我做80年代日本嘅City-pop，嗰一吓係一支強心針！我可以更加放心將件事做到更加極致。」

聽到力臻說到編曲過程，基仔立即笑說：「就係想要你浸『除』吖嘛，哈哈。」力臻直言：「因為我真係好鍾意喺啲二手衫舖執人哋着過嘅衫，所以可能有嗰浸「除」，哈哈，係比較八十年代浸除呀。」

力臻問基仔：「除咗期待一齊在舞台合唱之外，如果我自己有演出可以唱《Can We Try》嘛？」基仔直言：「錄音時我咪同你講過，呢首歌就交託俾你喇，你將佢當成你自己嘅歌，演出時多一首作品用。」力臻表示感謝古Sir的同時，大呼古Sir這次Project 很有傳承感覺！

力臻 Lagchun 為拍MV騷肌，捱餓拍攝

一直鍾情Citypop的力臻Lagchun，在加入Sony Music旗下全新音樂品牌Green Music後作出新嘗試，以全新曲風，與二人男子組合Chinky Eyes（CE）首度合作Up Beat新歌〈跳跳虎〉，但他仍不忘在音樂中滲入Citypop元素，而為了拍攝MV的騷肌場面，他不惜全日捱餓拍攝，務求以最佳狀態示人。

力臻 與二人男子組合Chinky Eyes（CE）首度合作Up Beat新歌〈跳跳虎〉

相關影片可以按以下畫面觀看：

影片連結： www.youtube.com/embed/MO-hzI2vEZ8

從表面理解，〈跳跳虎〉由歌名到編曲，都令人想跟著音樂跳彈，但力臻 Lagchun 想表達更深一層的意義。力臻 Lagchun 道：「呢首歌係回應出道歌〈都市爬行〉，嗰首係講我哋慢慢向上爬，但而家嘅我工作愈嚟愈忙，返學讀書、放學去做音樂，感覺就似由一個地方彈去另一個地方，要好急速去處理所有嘅事情，往往會忽略咗人生樂趣，〈跳跳虎〉就係提醒自己同埋聽眾，就算你嘅生活幾繁忙，要記得返人生嘅樂趣，甚至乎係享受彈嚟彈去，活喺好繁忙嘅過程入面，歌詞裡面最後一句：『玩還玩，彈還彈，人生放慢腳步，記住慢慢嘆』，就係想講呢樣嘢。」

跳跳虎由歌名到編曲，都令人想跟著音樂跳彈，但力臻 Lagchun 想表達更深一層的意義

今次力臻 Lagchun 跟CE作出全新曲風新嘗試，但他仍念念不忘他至愛的Citypop，所以中段加插了Citypop裡最常見的Retro Funk元素，除此之外，留心細聽，編曲上都混入了紅綠燈訊號、電車、敲打不同物質的聲音在內，力臻 Lagchun 解釋：「Citypop嘅音樂大多滲透生活日常，所以除咗歌詞內容好反映到而家我哋忙碌嘅生活節奏外，我亦將一啲喺呢個城市聽到嘅聲音，放喺呢首歌入面。」

將一啲喺呢個城市聽到嘅聲音，放喺呢首歌入面

Chinky Eyes ：「我哋都覺得，唔同嘅音樂人都有自己唔同嘅音樂節奏，但當唔同嘅節奏撞埋一齊嘅時候，有時佢哋會好融合，有時又會全部彈開晒，呢首歌就係有呢種瘋癲嘅感覺，癲完之後細心睇吓啲歌詞，你以為佢只係幽默，但又有一啲人生哲理俾大家㗳吓。所以我哋就諗，呢種節奏幾反映到力臻Lagchun嘅常生活吖，呢秒係歌手，下一秒又會係數學老師，教完書放學後又返去大學做返個學生，你話邊個夠佢亂吖。」

與二人男子組合Chinky Eyes（CE）首度合作Up Beat新歌〈跳跳虎〉

過去力臻 Lagchun 拍攝的MV橋段都十分搞鬼，今次亦不例外，為了配合歌名與曲風，他不但一身虎紋Look造型示人，他甚至與CE一齊落力跳唱，不過力臻 Lagchun 謙稱這些只是簡單的Dance Move，而MV中力臻亦毫不吝嗇一騷他那大隻身形，他更為此捱餓拍攝，他說：「導演一早已同我講有啲著少啲衫嘅Shot，所以拍攝當日我全日都冇食嘢，但到唔著衫嘅Shot又放到最尾先拍，所以我到後來已經跳到冇晒力，超級攰，好彩出到嚟效果都靚，值得咁辛苦。」

力臻亦毫不吝嗇一騷他那大隻身形，他更為此捱餓拍攝