數目分明可以避免發生紛爭。有打工仔在網上發文，指近日發現一名同事「差落好多飯錢唔還」，當其他人向該同事追討款項時，對方則會表示「冇撳錢冇錢喺身」。樓主形容是一場「騙局」，並直言「咁大個人連食飯錢都要呃真係好肉酸」。
設計圖片
該名打工仔日前在香港討論區以「同事成日話遲啲畀返錢，根本就係一場騙局」為題發文，指近日較多叫外賣，「可以快啲食完快啲瞓」，但發現一名同事「差落好多飯錢唔還」。樓主指，「有時用App叫外賣，佢會等有其他同事認頭落單先出聲講自己食咩，一係落街買外賣佢會搭單買話返到公司畀返錢」，但指由一星期前開始，「我都冇收過佢有畀返錢我」。
設計圖片
樓主續指，對方每次的點餐費用亦不便宜，平均為70多元，在詢問其他同事後，才發現對方一向如此，「問佢拎返錢會話自己冇撳錢冇錢喺身，聽日一定還」。樓主隨後直接要求對方透過電子支付歸還款項，但指「點知佢send咗request link畀我唔係畀錢我，差啲畀佢呃到」，並直言「如果真係手頭緊咪直接講，咁大個人連食飯錢都要呃真係好肉酸」。
示意圖
相關帖文隨即引起熱議，不少網民直言「直接追啦」、「追錢係難」、「幾十蚊咪當豪畀佢囉，下次叫外賣就唔好再預佢，費時煩」、「以後都唔會再同佢夾」、「同佢叫埋冇問題，上到嚟嗰啲飯要佢畀咗錢先可以攞得嚟食，正所謂一手交錢一手交貨」等。另有人則分享指，「我哋以前一班同事一齊出去book場踢波好，唱K好，隊酒隊都啤啤夫都好，第二日都會出一張電郵畀晒所有要夾錢嘅人，列晒邊個埋單邊個畀咗邊個未畀咁。一時手緊拖數亦可，帶落下個禮拜個表囉，一目了然。拖得多就自己核突。」
帖文來源：香港討論區
有打工仔發文指，近日發現一名同事「差落好多飯錢唔還」。資料圖片
有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。
沙田石門兩餸飯店外賣「西蘭花蝦仁」只有一隻蝦仁
該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。
港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）
從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。
網民認為$54得一隻蝦仁不合理
帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。
有網民留言「咁又誇咗啲，你個靜餸少蝦過我兩餸飯」。（FB圖片）
網民爆笑留言指萬綠中一點紅
有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。
有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）
店家同意退款稱：個別事件
其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。
有網民留言「可能啲蝦派晒啦…我有4隻」。（FB圖片)
帖文來源：Facebook群組「香港兩餸飯關注組」
