有中四女生在網上發文指，其就讀中一的細妹在入讀名校後變得「好串」，對方不但經常嫌三嫌四及向她反白眼，亦不太理會父母。有網民猜測其細妹是踏入反叛期，而不少人則「錯重點」，關注樓主「仲缺唔缺細妹？」
示意圖。設計圖片
該名中四女生在Instagram「名校Secrets」投稿，指自己有一個就讀中一的細妹，對方以前既乖巧又聽話，但自從升中並入讀名校後「串咗好多」，而且情緒反覆及難以捉摸，「連講多一兩句都嫌我煩」。樓主指，知道對方就讀名校的壓力大，「所以keep住搵佢吹水打機放鬆一下」，但對方經常嫌三嫌四並向她反白眼，「話我可唔可以唔好咁幼稚」。樓主慨嘆「我都擔心佢啫，咁講真係好Mean」，並指經常請她吃飯，又會偷偷「畀錢佢」，「乜都拎哂之後反過嚟嫌我煩」，又指「有次我講笑問佢借一千蚊，佢當場起晒扛！」樓主續指，當父母客氣地與細妹聊天時，她亦不太回答，「淨係『哦，所以？』」就算。
示意圖。設計圖片
相關帖文隨即引起熱議，並獲得逾8000人讚好。有網民認為，「互相體諒下啦， 佢可能升到中學得返你呢個好家姐可以畀佢嫌三嫌四， 大個就識諗㗎喇」、「強烈建議推佢去撞板等佢撞到咁上下，先出手幫佢」、「大過女啦，有時候需要個人空間」、「阿妹會唔會係想要啲me time?」等。
示意圖。設計圖片
有人則認為其細妹是踏入反叛期，並指「青春期，反叛好正常」、「中一反叛期」、「中一二反叛期由佢啦，講少句大家都好」、「反叛期…唔好講你妹妹，我相信好多人都有一段咁嘅時間，但要關心嘅就適當關心，當連理都唔想理，好容易學壞」、「反叛期，好正常，應該不是讀書壓力，我阿妹五年班已經開始咁，好有心得」等。
另有不少人則指，「有你呢個家姐真係好」、「你仲缺唔缺細妹？我會陪打機」、「想要啲咁嘅家姐，收唔收細佬啊？」、「可唔可以請我食飯，偷偷畀錢我，我會對你好好」、「我都想要家姐，我好聽話㗎」、「你仲想唔想多個阿妹？」等。
帖文來源：「名校Secrets」
有女生指，其就讀中一的細妹在入讀名校後變得「好串」，經常嫌三嫌四。《美麗戰場》劇照
有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。
的士誤衝屋苑消防通道
有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。
突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。
(FB圖片）
狗仔當場被撞斃 男童則擦傷
不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。
(FB圖片）
事主留言還原真相
帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。
(FB圖片）
(FB圖片）
網民大罵的士司機
不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。
亦有網民批評事主無用狗繩
不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」
事主解釋為何未用狗繩
樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。
(FB圖片）
帖文來源： 「車cam L（香港群組）」
