連登仔指公眾泳池衛生差 網民反指完勝會所泳池

對比公眾泳池與會所泳池，到底何者的衛生環境較好？有網民在網上發文指，公眾泳池衛生差，並詢問「其實咩人先會落公眾泳池游水？」相關帖文隨即引起熱議，部分人更直言公眾泳池完勝會所泳池。

樓主指，公眾泳池衛生差。資料圖片

該名網民在連登討論區以「「其實咩人先會落公眾泳池游水？」為題發文，指早上有長者在公眾泳池洗澡及吐痰，而在中午及下午時段，入場人士在陽光照射下「成層油洗落去」，至於在晚上則有已下班的打工仔「浸落去沖個涼」，而且不時會有小朋友在池內便溺。樓主又提到，「0~5歲：飲一啖，保健一流；6~12歲：腸胃唔出事，皮膚都出事；13~25：喂去海灘玩喇，仲去泳池玩水；16以上：操水X，喂依家周圍都有會所，識個FD安安靜靜操水唔好咩?」

大部分網民卻直言公眾泳池完勝會所泳池。資料圖片

相關帖文隨即引起熱議，少部分人認同樓主的看法，指「點解會有人覺得會所泳池差過公眾，人流又少過公眾泳池，消毒同過濾器都好過公眾嘢，更何況高收入人士多數都有修養過啲阿伯」等。不過，大部分網民卻直言公眾泳池完勝會所泳池，並指「佢可能覺得會所泳池乾淨啲，佢諗多咗」、「套系統都爭好遠啦，政府池又臭氧又UV 又漂水」、「會所池勁X多細路，佢哋冇自控能力成日污染個池，公眾池有深水池，啲細路阿伯唔敢游，其實乾淨過會所好多」、「公家嘢用公帑做濾水保養，定時落漂水，洗池，換水。私家嘢就你諗你」、「乾淨同操水一定係政府池」等。

有人認同樓主的看法。網頁截圖

有人反問「點解會有人覺得會所泳池差過公眾」。資料圖片

另有操水多年的網民指，「你呢個問題我好細個已經諗，最後發現所有私人嘅泳池都係垃圾，水質極差，政府池朝早同落場之後嘅嗰一節頭半個鐘已經可以清到水底嘅一邊望穿另一邊，私人嗰啲泳池啲水全部都係濁，可想而知政府池嘅過濾系統有幾勁」。

有操水多年的網民指，「發現所有私人嘅泳池都係垃圾，水質極差」。網頁截圖

根據康文署網頁資料，康文署轄下各公眾泳池每周進行一次大清潔行動，時間為上午10時至第二節開放時段完結為止，而泳池會於同日第三節重開。另外，所有公眾泳池的池水均於開放時間內不停地過濾和消毒，而署方亦經常密切監察池水的水質，以及定時抽取池水化驗。

帖文來源：連登討論區

有人則指，「公家嘢用公帑做濾水保養，定時落漂水，洗池，換水。」資料圖片

樓主發文詢問「其實咩人先會落公眾泳池游水？」資料圖片

有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。

的士誤衝屋苑消防通道

有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。

突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。

(FB圖片）

狗仔當場被撞斃 男童則擦傷

不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。

(FB圖片）

事主留言還原真相

帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。

(FB圖片）

(FB圖片）

網民大罵的士司機

不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。

亦有網民批評事主無用狗繩

不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」

事主解釋為何未用狗繩

樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。

(FB圖片）

帖文來源： 「車cam L（香港群組）」