打公仔做四年保安散工變百萬「富翁」 網民：好多嘢事在人為

有網民在facebook討論區轉載圖片講述儲錢故事，指有人4年無當長工，做保安散工也儲到100萬元，引起網友熱烈估計對方如何積小成多變百萬富翁。

相中見到本月11日做半年定期的銀行單，存款為1000000元，利率5.25厘。網上截圖

相片中見到本月11日做半年定期的銀行單，存款為1000000元，利率5.25厘，7月到期時的利息為26034.24大元。數口精的網民連隨計數，指「4年儲100萬，即一年25萬，一個月2萬」、「30日，佢星期六日做埋，一日搵八舊」、「如果凈儲100萬，每月唔食唔住要儲20833元x48月，咁炒散+保安應該要接近35000元先生活到」、「如果你話你住屋企食屋企，搵25000元一個儲20000元洗5000元，好好恆心儲4年，都好勉強講得通」。

網民指「事在人為」。網上截圖

有人續指「一年儲25萬，當佢係公屋仔好慳洗，一年要搵35萬先圍到皮，一係每日煙駁煙咁返兩份先至有咁嘅可能......但好肯定咁返法一定辛苦過做長工」、「返兩份保安，24小時賺錢」。

網民表示「如果長期開足工，一個月儲兩萬係有可能，最緊要忍到手放棄所有享樂」。網上截圖

有網友仔細計算，「如果佢2000蚊真係一個月嘅都可以，佢儲嘅起碼係15000蚊以上一個月，4000蚊就係家用，當佢住公屋1500蚊租，水電煤全部夾埋700蚊，上網費300蚊，即係2500蚊，跟住行路返工，一日三餐1500蚊咁咪可以1個月儲15000蚊」。

網民認為「做防疫保安是有可能」。網上截圖

再有網民估計其生活細節，「住屋企畀2000元家用包埋佢食，每月基本支出主要咪車費電話上網費呢d，加埋呢幾年疫情根本就無娛樂有咩出奇」，有人則提醒「炒散唔代表係兼職，分別只係工資計日薪，而家好興經中介公司請人，中介公司網絡大，真係可以日日有工開」、「都有可能嘅！同屋企人住，唔駛上繳，唔出街，唔拍拖」、「如果長期開足工，一個月儲兩萬係有可能，最緊要忍到手放棄所有享樂」。因此有網友認為「做防疫保安是有可能」、「好多嘢事在人為，看更好處係仲可以屋企附近做，車錢都慳返」。

錯重點的網友反問「定期有5.25里咁高？」。網上截圖

另有網民卻帶諷刺語氣指，「仲要唔使食、唔使住、唔使搭車、唔使著衫添、4年無病無痛 ，「仲要唔使養老豆老母，過時過節唔使畀錢老豆老母，唔洗交稅，無供保險」。說著，有網民則自爆儲錢大計「我諗過㗎啦，去做夜更保安，朝早再做一份，夜晚再返大堂瞓覺，租都唔洗交。中午去公廁沖涼，朝早果份做飲食嘅，慳多兩餐」。

unsplash圖片

見到如此好景，網民紛「求介紹」，問「邊間公司咁好，我都轉行啦」。不過有人錯重點，反問「依家定期有5.25厘咁高？」。

帖文來源：香港單身狗關注組

做4年保安散工儲到100萬，網民指事在人為。

首階段管制即棄塑膠餐具及產品法例已實施，膠餐具可能自此成為絕響。日前就有港人趁勢於拍賣網拍賣某快餐廳「絕版」膠餐具，炒價更高達三位數！

FB群組圖片

示意圖。《愛回家》劇照

賣家：屬走塑後停產外賣餐具 極具收藏價值

日前有港人在拍賣網站售賣一間連鎖快餐店過往向顧客隨外賣免費派發的膠餐具套裝，他寫到「絕版大快活透明橙膠餐具套裝（肚餓食麵用咗隻叉，半價平出）」，而相中只是一隻橙色膠羹，拍賣底價標示竟是$200！他表示餐具屬於「4月22日實施走塑後同時停產的外賣餐具，極具收藏價值」更強調可多清洗循環使用，是環保人士的恩物。但最後指帖文純綷玩樂性質，旨在與網民開玩笑。

FB群組圖片

炒賣成熱議：呢次發達啦！

其後有網民將此拍賣膠餐具的事放在社交平台Facebook群組發文討論，隨即引來大批網民議論紛紛，他們留言「靠今鋪翻身！」、「呢次發達啦」、「有收藏價值，早知我都拎多啲」；亦有網民笑言「十年後先攞出嚟賣嘛」、「澳門人可儲定一堆當手信送俾香港親戚朋友」、「發錢寒」、「要不要來個塑膠收藏級博物館」、「香港人有乜都炒一餐」。

網民屋企膠餐具大曬冷

亦有不少網民找出家中的不少存貨「我屋企儲咗兩大袋」、「用完呢批再絕膠」、「有一套要收埋佢啦！」

FB群組圖片

FB群組圖片

FB群組圖片

FB群組圖片