原來餐廳多人食都可能中伏！日前，有網友到茶餐廳點了一份價值78蚊的晚餐，切開驚見豬扒內部仍有大片粉紅色，向店員反映情況卻被反問「咁你想點」，引得該網友不滿，「個態度好似係我搞事咁」。不少網友笑稱是「豬刺身」，力撐向食環署投訴。
設計圖片
樓主在facebook群組「香港茶餐廳及沒事關注組」發帖，稱自己在一間香港連鎖茶餐廳食晚餐，「先唔評論好唔好食」，一份價值78蚊的晚餐，豬扒竟然仍是生的。然而更令樓主氣憤的是，當他向店員反映情況的時候，「人地第一句問我 咁你想點」，「個態度好似係我搞事咁」。原來樓主見這間餐廳多人，「應該唔伏先入去試下」，點知仍然未能倖免。
煎牛扒。Getty圖片
有網友都認為豬扒明顯未煮熟，笑指是「一味兩食，煎同刺身，78抵食」、「煮者睇錯以為牛黎」、「西冷豬扒」、「刺身收貴啲」。亦有網友為不應姑息服務員和餐廳，「服務員態度係咁，當然退返走人，否則就報食環啦。坦白講，咁嘅態度，就算話煮過，都唔敢食，唔知有無加料。」、「見到咁首先搵職員吾理就影相俾食環」、「報食環署啦，再報埋東張西望幫佢賣行廣告，豬扒刺身定食」。
豬扒。設計圖片
有網友在茶餐廳食到粉紅豬扒。「香港茶餐廳及沒事關注組」FB圖片
