好彩司機醒目
的士奇遇,真人真事。有司機在FB群組發貼,分享近日遇到的奇葩乘客。當日凌晨時分,一對男女於銅鑼灣上車,要求先往天后再到鰂魚涌。男乘客於天后落車,付100元車資予司機,指車費約為60元,剩下的可當小費,同時交代司機要照顧女乘客,確保她的安全「睇住佢入大廈」。
怎料到女乘客落車時,卻要求司機將剩餘的40元找回!的士司機不肯,女乘客竟報警,並質疑司機濫收車資。
警員到場後勸兩人大事化小,並警告司機不能多收車費。司機解釋:「係男乘客畀錢我,個女乘客從來冇畀錢。如果你要我退嘅話,你就叫返個男乘客出嚟,我親手畀返佢。」警員隨即向女乘客稱:「小姐啲錢唔係(屬於)你、又唔係你畀㗎喎,你冇付出過」,認為她無權要求司機找續。
女乘客疑惱羞成怒,當場直斥司機「小心啲」,沒料再遭警員訓斥,警告她要小心說話,否則或有機會構成恐嚇。
帖文引來不少的士司機同行熱議,有人批評女子斤斤計較,「幾廿蚊都貪」、「大人大姐,好意思出聲,唔係自己畀錢,連呢啲辛苦錢都想食埋司機嗰份」、「見有錢找就起貪念,為咗四十蚊輸個人格!」
亦有人大讚涉事司機,「司機醒目,男人畀錢,如要畀返錢都親手畀個男人」、「叫佢兜多兩個圈先返去囉,或者坐到夠$100先落車」、「其實係咪一單還一單,喺嗰女話要報警嗰陣時先停咗個錶出返張單畀佢,了結咗呢件事再報警。重新落旗,因為你阻住我開工,如果警察認為我有罪可以拉我,否則麻煩你再畀埋呢程車錢。」