口罩令解除個多月，不少人陸續除下口罩，露出廬山真面目。近日卻有一位港男於討論區發文抱怨，指自己最近開始除口罩上班，但女同事見到他真面目後竟然「嘩咗一聲」。原來樓主是名哨牙仔，同事意外的反應令事主感到心靈受創，更稱「都係戴返口罩算數」。有網民安慰事主，亦有人建議他箍牙。
港男於討論區發文抱怨，指自己最近開始除口罩上班，但女同事見到他真面目後竟然「嘩咗一聲」 。示意圖
該港男於香港討論區以「同事見到我嘩咗一聲」為題發文，表示早前公司讓員工自行決定戴不戴口罩上班，由於家裏儲備的口罩已經用完，所以他日前開始沒有戴口罩返工。當天他如常回到公司並跟某女同事講早晨，豈料女同事卻驚慌失措「佢對住我嘩咗一聲」，然後更「陰陰嘴笑住咁回我一句早晨就行開咗」。
樓主指自己是哨牙仔一名，疫情3年期間一直戴著口罩「或者我戴住口罩個樣都呃得下人掛」所以估計同事對自己的真面目感意外。雖然他認為「哨牙冇罪」，但被女同事突如其來的鄙視與嘲笑感到自卑「突然間俾人笑真係自信心受創」，他更決定以後繼續戴口罩返工。
女同事的反應令樓主心靈受創。
此帖一出引來網民熱議，有人好奇樓主竟然3年也沒有在同事面前除口罩「平時冇同同事一齊食飯架咩」、「奇怪！三年都冇見過你食飯個樣？」、「幾年都冇見過真樣？？都要飲水食嘢㗎」、「咁耐都冇見過你食飯飲水！」。有人則戲言「除口罩後真係少咗好多靚仔靚女，少咗幻想」、「戴口罩個樣會自行腦補，通常腦補都係比較順眼既，現實係殘酷既」。
有網民戲言「除口罩後真係少咗好多靚仔靚女，少咗幻想」。示意圖
很多網民安慰樓主「哨牙無罪，佢睇睇下就習慣架啦」、「唔好理人」、「嗰位女同事會唔會只係好少見你真樣，所以先會『嘩』一聲？未必係哨牙問題既」、「嘩！原來咁靚仔！應該係咁」。
不少網民亦建議樓主做牙齒矯正：「咁你無理由成世戴口罩，一係就接受現實 ，一係就去箍牙」、「我都因為成日出去見客，趁上年箍牙，起碼執得肆正d先，既然你會介意自己外貌，點解之前唔趁戴口罩去箍牙」、「我公司有個同事就係喺疫情期間箍牙，上個禮拜開始除罩翻工，突然變左靚女，放lunch成班仔圍住佢，可能你箍完都俾女圍呢」
很多網民建議樓主箍牙，增強自信。示意圖
帖文來源：香港討論區
