Skip to Content Facebook Feature Image

中年男「一陽指」篤穿盲盒逐盒揀 尖沙咀玩具店公開CCTV緝兇

社會事

中年男「一陽指」篤穿盲盒逐盒揀 尖沙咀玩具店公開CCTV緝兇
社會事

社會事

中年男「一陽指」篤穿盲盒逐盒揀 尖沙咀玩具店公開CCTV緝兇

2024年05月07日 12:30 最後更新:15:04

有男子於尖沙咀玩具店內以「一陽指」篤穿盲盒逐盒揀,店家公開CCTV緝兇。

中年男子用手指篤穿盲盒

近年流行「抽盲盒」,而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇,影片顯示,一名穿藍色長、戴粉紅色口罩的中男子,於店內以右手從貨架上取下一個玩具盲盒,並搖晃一番,然後又用左手取下另一個盲盒,重複相同的動作。

男子在搖晃間借故用左手手指篤穿其中一個盲盒,再窺看盒內的款式。顯然盒內款式不是男子所想要的,隨後店家發現貨架上有受損的盲盒,於是翻查CCTV,揭發事件。

(FB影片截圖)

(FB影片截圖)

店家公開CCTV片段緝兇

男子以為神不知鬼不覺,誰知篤穿盲盒的過程全被拍下,店家公開片段緝兇「究竟係邊一門派絕學?!本店近日發現貨品有圖中情況,翻查分店閉路電視後,清晰見一男子以絕學破盒弄穿以窺探款式,現請當事人迅速與本店聯絡,傳授其武功心法得以傳承,否則報警求助。」

店家也指「本店再次強力譴責以上事件,當事人肆意踐踏和傷害店鋪與客人間感情,嚴重遺反基本準則,如再發現同類事件,客人後果自負;本店或成最大贏家。」

(FB影片截圖)

(FB影片截圖)

網民鬧:丟假

帖文引熱議,不少網民大罵涉事男子「乜仲做埋D咁肉酸嘅嘢㗎?!丟假」、「睇佢個款都有成6張野,仲要做d咁X街既行為」、「頭髮都甩咗一大半,做人做到咁西。買曬返去自己慢慢拆喇」、「一百幾十都偷,垃圾,幾十歲人重偷玩具冇用,大大個衰樣出哂黎,快d返去比錢啦」、「盡快報警。不能姑息」、「唉,上網買咩款都得啦,點解要咁整小店既貨,成本好貴架」。

(FB影片截圖)

(FB影片截圖)

網民歪樓笑:失傳已久「一陽指」

有網民笑言「係紙飲筒嘅天敵」、「這是失傳已久的《一陽指》神功,沒想到如今還能在fb上看到」、「壽司盲盒天敵」、「如果識量子力學xfing法就唔洗咁攪la」、「咁叻呀?摸下搖下就知係咩,佢應該發咗達好耐」、「呢個咪失傳已久嘅大力金光子」、「我哋應該佩服佢練到咁犀利嘅神功,雖然佢冇用喺正途方面」。

(FB影片截圖)

(FB影片截圖)

帖文來源:facebook

Tags:

尖沙咀

往下看更多文章

巴士阿叔開大手機喇叭睇片 車長勸阻「咁回應」乘客無奈:吹脹

2024年06月16日 12:30 最後更新:15:17

一名阿叔於巴士開大喇叭看影片,乘客好言相勸不果,甚至播放「喃嘸阿彌陀佛」反擊,但阿叔仍無動於衷。最終車長介入,阿叔的回應卻令乘客表示「吹脹」。

示意圖。設計圖片

示意圖。設計圖片

巴士阿叔開大喇叭睇片滋擾乘客

該乘客於facebook群組「馬鞍山之友 2.0」發文,表示日前乘搭680巴士返馬鞍山時,遇到一名沒有公德心的阿叔「上車一坐低已經開喇叭睇片」,樓主感到非常滋擾,試圖用眼神「睥佢」示意他注意音量,但對方毫無反應。樓主於是開口提醒他,但依然被無視「問佢係咪聾嘅又唔冇反應」。

乘客播「喃嘸阿彌陀佛」反擊

無奈之下,樓主決定坐近對方,開大手機播放「喃嘸阿彌陀佛」以示反擊,但對方仍然不為所動。更令人無語的是,他在看影片期間「吐咗啲嘢落手,再掉咗落地下」,非常嘔心,樓主於是再度出聲指責,這次阿叔終於有反應「吓」了一聲。確認對方並非聽障人士,樓主又問「咁大個人有冇公德?」惟阿叔繼續無視樓主。

車長出面調解 阿叔表示「我聽不懂」

樓主難忍其缺德行為,遂向車長投訴,車長上前調停,阿叔先是「吓」了兩聲,然後用普通話表示「我聽不懂」。令樓主無奈又氣憤「吹脹,但我相信佢其實一直知我不滿佢嘅行為,因為我行去搵司機前到返埋位佢都有望下我,司機講完走咗佢都望我,然後收返埋個電話」。樓主更上載阿叔的照片公審「有冇邊個係呢個阿叔嘅家屬,教下佢搭巴士嘅禮儀同公德吖唔該」。

網民鬧「廢老!」

帖文引熱議,不少網民對樓主的遭遇表示感同身受,並紛紛指責阿叔的自私行為「呢種人好討厭~收左工想休息下都吾得~只能祝福佢」、「可惜得你一個女仔,呢啲廢老唔太怕女仔」、「呢啲死廢老,持老賣老,x佢都唔理你,活在自己自私世界裡面」、「宜家好多呢d廢老,不過多數睇匪語片」、「搭地鐵都遇過唔少,真係好黑人憎。佢哋完全唔會覺得自己打擾到人咁」、「以前都會開聲同個啲人講。依家慳返啖氣自己帶耳機聽歌算」、「唉,有許多廢佬都 我行我素 ,自我中心, 唔會顧及其他人的感受,冇得救,遇到啲咁嘅人真係唔好彩」。

(FB截圖)

(FB截圖)

(FB截圖)

(FB截圖)

帖文來源:facebook群組「馬鞍山之友 2.0

你 或 有 興 趣 的 文 章