民調公布不同感覺不一

政協常委李家傑日前點名批評香港大學民意研究計劃的鍾庭耀，話總在關鍵時刻，發布對建制派不利的民調結果，惹起不少議論。 Ariel聽到的意見一半半，有人話李常委輸打贏要，CY民望好嘅時候唔出聲，民望差就話係造馬，可能仲針對羅拔鍾幫手搞佔中所以出招。但亦有人話鍾庭耀逢係在泛民搞敏感嘢時就出民調，有配合泛民之嫌喎。

不過事件亦引起少少較專業的討論，曾多次質疑羅拔鍾民調方法有問題的行會成員張志剛日前在明報專欄繼續發炮。文章指鍾庭耀調查中的所謂特首支持度，在問卷中不直接問受訪者是否支持CY做特首，卻兜大圈問如果明天選特首，你投唔投CY，唔係正常做法。至於特首評分，只給出一個平均分，例如最近的調查係47.5分，話係唔合格。張志剛認為做法唔夠透明，單憑一個簡單的平均數值，有機會誤導公眾。應該將原始數據並列，「才更有助我們理解事實。」

唔好話鍾庭耀唔聽意見，佢可能都覺得張志剛隊佢隊得有啲道理，所以近期公布民調時有改善。上番香港大學民意研究計劃的網站，見到新公布的特首民望時，開始公開埋受訪者具體評分的比例分布。以最新一次特首評分為例，有9.1%受訪者俾0分，俾50分以上的有超過60%。平均分少過50，只有47.5分，就係因為被較多俾0分大幅拉低了。極端意見影響平均分的效果較大。

另外將所有數據擺晒上枱後，Ariel睇落的感覺又唔一樣。當我聽到話特首的平均分只有47.5分，感覺係特首唔合格。但睇到有60%以上的受訪者俾CY50或以上的分數，又會覺得大多數人認為佢合格。

話得說回來， CY現時的民望唔係太差，有少少踩界，所以不同公布方法睇出來的效果會唔同，但萬一真係差時，點公布都唔會覺得好。作為政客，都係搞強自己個身子重要啲呀，身體壯，咪百毒不侵囉。

Ariel

** 博客文章文責自負,不代表本公司立場 **

匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。

葉劉淑儀計劃在下月中港搞「2024全球繁榮峰會」。

峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。

諾貝爾化學獎得主科恩伯格教授將擔任主題演講嘉賓。

葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。

峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。

葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。

她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。

她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。