張致恒老婆雯雯深宵放負疑又為搬家問題煩惱

娛圈事

張致恒老婆雯雯深宵放負疑又為搬家問題煩惱

2023年04月12日 20:48 最後更新：20:49

不少網民都擔心雯雯會壓力爆煲。

張致恒2019年與粉絲區燕雯（雯雯）奉子成婚，張致恒隨即被爆一腳踏五船，兼向藝人朋友借錢不還。先後誕下三個囝囝的兩人近年多次鬧婚變，又鬧爆老公「又懶又廢」，之後再與張致恒劃清界線，講明「冇錢還」。雯雯近日多次不堪壓力在IG限時動態呻：「撐唔住。」4月11日晚深宵時份又再IG限時動態以黑底白字留言：「好絕路，究竟可以去邊？」疑似又再煩惱搬家問題，不過有不少網民都擔心雯雯壓力爆煲，會因此走上絕路。

點擊看圖輯

Steven在2019年突然宣佈與粉絲雯雯育有一子，並將會結婚；不過他當時另有女友，又同時爆出他偷食，更有指他曾「一腳踏五船」。

不少網民都擔心雯雯會壓力爆煲。

張致恒與雯雯結婚逾三年，育有三個兒子，細仔去年6月出生。

雯雯曾出post鬧爆張致恒又懶又廢，對小朋友冇責任心。

張致恒與雯雯婚後多次傳出經濟拮据，雯雯近日亦多次與老公劃清界線，上月初雯雯發長文指收到不少訊息轟炸，涉及張致恒欠債、出軌，她表明：「如果你搵我係想講我老公，曾經問你借錢，而又未還錢嘅，好抱歉，我都冇錢。」似乎張致恒欠下不少街數。上月底再在IG Story再與張致恒割席，更明言：「如果你騷擾到我嘅屋企，我係真係會同你死過！」

上月底她再在IG貼文，直接叫債主找借錢的人，更指如果騷擾到她的家人：「我係真係會同你死過，我乜嘢都唔驚！」

雯雯日前在IG Story出片，張致恒都有現身，與囝囝打保齡球。

大仔不斷跳跳紥。

雯雯日前更多次大呻她錢讓小朋友搭車返學，不過近日自力更新，開設寵物食品及童裝網店搵錢養3個仔及3隻狗，雖然被將淘寶貨當成韓國貨，更疑似販賣未經授權商品。不過雯雯隨即發表聲明，指是從香港批發途徑取貨，更說：「其實淘寶都有韓國人開户口做生意，唔係淨係得中國人。」

雯雯日前鬧爆老公張致恒，更坦言沒錢讓囝囝搭車返學。

雯雯近日開設網店賣寵物零食、童裝，張致恒都有follow。

雯雯3月初做成第一單生意，寄出超過30包零食。

雯雯店內標示為韓國的親子裝，被指只是淘寶貨，售價還要貴一倍。不過雯雯即漏夜發聲明，更說：「可唔可以畀條生路我行？」

雯雯日前於IG透露兒子病倒，更晒出不少藥物：「屋企有小朋友就係會連住病...已經差唔多維持左成個星期，朗朗晚晚咳到瞓唔到，牧牧一到夜晚就發燒，寶寶暫時守得住。」之後又於IG限時動態留下三字「撐唔住！」不少網民都擔心雯雯。

有網民關心她住屋問題，雯雯透露已經有屋住：「搵到（屋），只係未搵到錢。」

早前雯雯為大仔天寶慶祝生日。

天寶當然好開心。

又有氣球。

仲有大大個Pokemon蛋糕！

又得玩又有得食。

仲出去遊樂場玩。

未滿1歲嘅細仔都有一齊去。