黃紫恩曾因自卑患「鏡頭恐懼症」 《野外步出》方紹聰開心獲讚「大個仔」

以「惡啃體能挑戰」為招徠的J2皇牌綜藝節目《野外步出》系列，18、19日兩晚十點半於J2（82台）播出第三季《野外步出3玩野加大馬》最後2集。身兼監製及主持的方紹聰（奶仔），本周找來J2er黃紫恩（Jojo）齊齊挑戰自我，大玩潛水、越野車、滑翔傘等極限運動，其間Jojo不但繼續發揮勇者本色玩得異常投入，更學乜都勁快上手。之後二人轉戰魚池「啜腳皮」，體驗由差不多兩呎長的錦鯉「啜腳皮」感受，其間大曬玉腿的Jojo猛叫「好爽」。    

《野外3》轉眼來到尾聲。

Jojo作為J2er勇者，對極限運動無畏無懼。

Jojo學揸越野車好快上手。

19日最後一集，奶仔與Jojo完成最後挑戰後促膝長談，奶仔指Jojo是繼Karen後，第二位擁有「野外步出」tee的藝人，他對Jojo說︰「着咗件衫之後，以後《野外步出》除了我同Karen之外，就加埋你。」談到《野外步出》系列來到第三季，奶仔坦言無限感觸，他透露今季是首度與嘉賓合作，因而學懂更有擔帶，照顧同行人感受的同時，也要確保各人安全。奶仔又強調今輯印象最深刻是玩笨豬跳︰「玩完嗰刻內心份喜悅係唔單止係完成一份工作，就好似《野外步出》唔止係一個旅遊節目，而係我成長嘅過程，令我更加認識自己，係一個人生重要嘅體驗。」

奶仔同Jojo體驗錦鯉啜腳皮。

奶仔駕駛越野四驅車進入森林山區。

越野四驅車背後，居然隱藏燒烤用具。

Jojo同奶仔對住神山露營。

奶仔泡製牛奶海鮮即食麵。

入TVB頭兩個月已經想寫辭職信

Jojo則自爆加入TVB是其從小到大的夢想：「所以我一畢業就加入呢個大家庭」。Jojo又謂最初充滿挫敗感，她說︰「主要係來自比較，會諗點解人哋啲稿咁順嘅、個妝咁靚、個頭咁靚嘅…呢個圈有太多好靚、好聰明，同比我更加好嘅人。頭兩個月好想寫辭職信，同公司講我真係做唔到落去。」Jojo透露情況最差時，一度患上「鏡頭恐懼症」，只要對著鏡頭便講不到對白，但在家人面前又要扮到若無其事，Jojo續說︰「嗰時食完飯就會返房，因為唔想畀屋企人睇到自己唔開心。」

最後一集Jojo同奶仔講起入行經歷。

雖然Jojo極力掩飾不開心，但仍是逃不過媽媽雙眼，那一輪向來早睡的黃媽媽除了經常半夜三更問Jojo吃不吃宵夜，更試過晚飯期間向愛女「攤牌」，Jojo強忍淚水憶述當時「媽媽的暖心話」：「女呀，如果你真係做得唔開心，你唔好做喇，媽咪養你。」Jojo坦言當時非常感動，並因而打了強心針，自此抱著「打要企定」的工作態度一路走到現在，足證家人支持的重要性。

Jojo提到家人的關心時有點眼濕濕。

奶仔事後受訪時坦言，覺得參與《野外》系列最奇妙的地方，是讓觀眾透過節目見證他的成長，奶仔說︰「由第一季好free style做主持，慢慢演變到第二季注重咗主持同談吐技巧，到今季做埋監製最大改變係，以前覺得節目好睇係最重要，依家就工作人員同嘉賓嘅安全同開心先係最重要。」奶仔又謂十分感激台前幕後的用心參與︰「我覺得《野外步出3》係有血有肉嘅節目，因為我同工作人員都有相同嘅經歷同感受。」奶仔續指最開心是近日走在街上，不少觀眾均大讚他「大個仔咗」。

奶仔最後一集都有作深情分享。

以「惡啃體能挑戰」為招徠的J2皇牌綜藝節目《野外步出》系列，本周一至五晚十點半於J2（82台）播出第三季《野外步出3玩野加大馬》最後三集。身兼監製及主持的方紹聰（奶仔），本周找來J2er黃紫恩（Jojo）齊齊挑戰自我，大玩潛水、越野車、滑翔傘等極限運動。17日一集，奶仔將與Jojo大玩激流橡皮艇，二人更險些翻艇遇險。

Jojo今周接替Karen擔任客席主持。

奶仔在水上拖傘升空前已表示忐忑。

Jojo玩完水上拖傘仍意猶未盡，再玩香蕉船兼任掌舵人。

試玩激流的地方是沙巴巴達斯河（Padas River），奶仔與Jojo連同攝製隊接受完教練Andrey簡單訓練及講解後才一起上船體驗。當去到一個名為Head Hunter Rapid激流時，整艘船被拋起，除坐在船尾的教練，其餘各人全部被拋落水，並隨著水流一直往下游沖，情況危急；經歷數分鐘的漂浮，水流開始減慢，各人最終成功脫險。

奶仔、Jojo及一班工作人員，齊齊挑戰巴達斯河激流。

出發前接受專業訓練。

主觀鏡頭望到河水有多洶湧。

在教練指導下各人划艇有板有眼。

出事前一刻畫面。

河水將整隻橡皮艇拋起，各人被拋下船。

奶仔及Jojo受訪時談及是次經歷猶有餘悸，Jojo透露頭段一直相安無事，當時她還寸嘴教練謂︰「我唔識死同教練講，又話反艇嘅？反艇先好玩。點知講完10秒架艇就反咗，喺船底唞唔到氣，以為自己『要走』，每次上水唞氣都畀船底頂住。」在水底掙扎期間，Jojo心底不停呼喊「媽咪我對你唔住」，更坦言一度見到白光，以為自己會死，幸好最後有驚無險。奶仔則透露跌落水一刻完全分不清上下，並謂當時內心第一時間想法是擔心同行工作人員安危。

艇上只餘教練一人，其餘人隨水漂浮。

終於漂到水流較平靜的淺灘。

奶仔直言是最驚險的一次經歷。

Jojo諗住今趟出事。

Jojo在大馬初次體驗潛水。

15日一集，有J2er第一勇者稱號的Jojo玩水上拖傘時表現神勇，當拖傘隨著快艇加速愈升愈高時，她還大叫「higher、faster」。雖然Jojo大無畏，但去到玩香蕉船時因不幸遇上大浪，Jojo整個人被拋落海，不單左眼皮被割傷流血，還被海上的水母猛「炸」雙手，搞到一片紅腫。製作組見狀立即叫停拍攝，急速回航為Jojo療傷；其間Jojo表現鎮定，治理期間有講有笑，不愧為女漢子。奶仔憶述指Jojo處理傷口期間，一再透露表示希望可早點繼續拍攝，令奶仔非常敬佩，奶仔說：「佢真係勇猛又專業。」

其間不幸翻船，Jojo首當其衝受傷。

明顯見到Jojo左眼皮被割損流血。

被水母「炸」傷的Jojo，以白醋敷手。

工作人員為Jojo處理傷口，Jojo全程表現超冷靜，只掛心工作。