地盤工人成身水泥食茶記灰塵沾枱櫈 食客拍照公審引兩派論戰

每個為生活努力的人都值得被尊重、體諒

夏日炎炎，地盤工人在烈日當空下勞動，其中辛苦卻不為人知。不過近日有網民於社交平台發文，怒轟三名地盤工人弄污糟茶餐廳的枱櫈。他指日前到某茶記用膳，鄰座有三名身穿工作服裝的地盤工人，他們因工作關係弄至全身水泥，卻未有更換衣服及水鞋便堂食，導致枱櫈及地板也沾滿沙塵，辛苦清潔阿姐要抹地抹櫈「想做死阿姐？」。

有網民於社交平台發文，怒轟三名地盤工人弄污糟茶餐廳的枱櫈。「祥龍圍邨 & 清河邨」FB圖片

該食客於Facebook群組「祥龍圍邨 & 清河邨」上傳多張照片，從照片可見三名地盤工人坐在「卡位」玩手機，他們衣服及長靴水鞋也沾有水泥及沙塵，樓主懷疑他們工作後未有更衣及清潔便進入茶記堂食「落完石屎，張櫈同埋地下都係紅毛泥，下一手坐落去一褲都係，換過條褲，換過對鞋先放飯啦」。

當地盤工人離開後，樓主更上前為沾滿灰塵的餐椅拍照，之後一名清潔阿姐亦特意上前清潔他們的座位及拖地，樓主不禁大罵「想做死阿姐」。樓主看不過眼，於是將三人的照片上載社交平台公審。

地盤工人離去後，餐椅沾滿灰塵。「祥龍圍邨 & 清河邨」FB圖片

此帖一出即引起網民熱議，樓主圍爐不成反被網民插「厚多士」及涼薄「樓主咁矜貴，叫個廚師上門煮埋俾你食」、「你有冇做過地盤？你知唔知咩叫地盤，你真係不知所謂」、「一個鐘頭食飯時間，已經又熱又累，唔通要沖埋涼換晒衫先去得食飯」、「可唔可以體諒下呢 ？下下出相公審 ？」、「可唔可以尊重下人尊重下自己？ 清潔姐姐係人地盤佬唔係人？人哋都未出聲，你出乜嘢聲？」、「將心比心，冇咗佢地，你有鬼咁舒服做鍵盤戰士。你絕對冇同情心」。

樓主不禁大罵「想做死阿姐」。「祥龍圍邨 & 清河邨」FB圖片

亦有人支持樓主，指不是歧視地盤工人，而是每個有都應該有責任保持地方清潔「雖然自己都係做地盤，不過每次都洗乾淨對鞋，我都好憎呢種人，不知所謂」、「唔好話地盤工人吖 裝修嗰咋又係 成日見踩到住宅/商場周圍腳印然後拍吓籮柚走咗去」、「如果自己識做抹返張櫈，又或者講句唔好意思，會好啲」、「就算唔換鞋攞水喉沖一沖對鞋都係基本野，唔係既話就叫外賣到地盤」。

不過有網民認為清潔地方是清潔阿姐的責任，而且地盤工人的工作比清潔阿姐更辛酸。「祥龍圍邨 & 清河邨」FB圖片

帖文來源：Facebook群組「祥龍圍邨 & 清河邨」

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」