茶記食早餐想坐「卡位」遭拒 見侍應再「咁做」食客：欺善怕惡冇下次

卡位一定最受歡迎

去茶記很多人會喜歡坐「卡位」，貪其有坐梳化的感覺又自成一角。不過近日有食客於社交平台發文，指到茶餐廳用膳，卻因為坐卡位而搞到一肚氣。

該食客於Facebook 群組「香港茶餐廳及美食關注組」發文，指日前清晨6點45分到西灣河某茶餐廳吃早餐。當時餐廳幾乎沒有客人「大半間茶記都冇人」，樓主本想找卡位坐下，但招呼她的女侍應看到樓主獨自一人光顧時，便表示「唔好坐卡位」，並安排她坐在茶餐廳的中間位置。

有食客於社交平台發文，投訴指茶記女侍應不准她坐卡位，卻安排其他獨自一人的客人入座卡位。「香港茶餐廳及美食關注組」FB圖片

雖然樓主心有不忿，但怕被侍應「加料」，還是坐下來「叫我坐中間，咁我咪坐中間囉」。不久後，又來了3位客人，分別是一位女熟客及兩位男顧客，雖然他們也都是獨自用餐，但侍應卻沒有阻止他們坐卡位，甚至還主動邀請女熟客坐在卡位「呀女侍應又唔會叫佢地唔好坐卡位㗎喎，仲好主動叫個女熟客坐前面嗰卡位添」。

樓主清晨6點45分到西灣河某茶餐廳吃早餐。當時「大半間茶記都冇人」，樓主本想找卡位坐下。Getty圖片

樓主認為女侍應不敢得罪熟客及男人，所以即使他們一人也安排坐卡位，面對明顯的不公平對待，樓主非常生氣「呢啲服務態度真係值得講比人知」，更直言以後不會再幫襯「欺善怕惡冇下次」。

此帖一出即引起網民熱議，不少網民感同身受，認為類似型服務態度差「6:45am咁早都咁好招呼，即走啦」、「樓主應該走，我一定會，除非附近冇其他選擇」、「唔好幫襯限住客人坐邊果D垃圾餐廳」、「我會即起離場，已經唔主重客人，唔會畀錢受白眼」、「欺客？西灣河餐廳多的是,下次不要去囉！」、「咁多間茶記，要受氣即閃」、「好多時大把吉檯但指定入座嘅茶記我會掉頭走，反正大把選擇」。

但招呼她的女侍應看到樓主獨自一人光顧時，便表示「唔好坐卡位」，並安排她坐在茶餐廳的中間位置。Getty圖片

亦有不少人表示鍾情卡位「好多時係見到有卡位先入去幫襯，唯有即走或者冇下次」、「比我即走，我最鍾意坐卡位，無卡位嘅話，就無得好講。有都唔比我坐，咪唔食囉～」、「我係女仔，一個人食鍾意卡位冇咁尷尬，冇卡位寧願揀第二間」。

其後又來了其他獨自一人的客人，但女侍應都讓他們坐卡位「呀女侍應又唔會叫佢地唔好坐卡位㗎喎，仲好主動叫個女熟客坐前面嗰卡位添」，令樓主非常生氣。非當事人Getty圖片

帖文來源：Facebook 群組「香港茶餐廳及美食關注組」

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」