17年前廣告神預測「西貢鯨魚浮屍事件」網民：已預言港人有幾荒謬

RIP…

早前在西貢海域出現的布氏鯨，日前被發現浮屍在海面上，引起熱議，很多網民表示痛心疾首，更譴責那些架駛船隻出海觀鯨的人，形容他們為「殺鯨兇手」。有網民亦發現了17年前一段本港廣告，神奇地預測了今次西貢鯨事件，劇情竟與現實離奇巧合「幾十年前首廣告歌已經預言香港人有幾荒謬」。

有網民竟發現17年前本港一段廣告已神預測今次西貢鯨浮屍事件的慘劇。YouTube影片截圖

這段廣告中，一條小抹香鯨被擱淺在沙灘上，廣告中扮演主播的演員用歌詞唱出市民所謂「拯救」的情況：「一條小抹香鯨，擱淺係沙灘。泳客正在拯救緊佢！直播室，小抹香鯨情況穩定，淋水落去好幫到佢！」畫面充滿反諷意味，暗示市民可能會因著急拯救而引發更多荒謬的情況，「如果佢（指有關部門）快d學識首歌就會有封鎖線。」

2006年的廣告，靈感取材自當年在西貢鹹田灣附近的大浪灣擱淺的一條小抹香鯨。YouTube影片截圖

這段廣告似乎神奇地預言了今次布氏鯨死亡事件的慘痛教訓，令人不禁驚訝。不過，實際上該廣告的靈感來自於2006年初，當時有一條小抹香鯨在西貢鹹田灣附近的大浪灣擱淺，這是一個真實發生的事件。

「幾十年前首廣告歌已經預言香港人有幾荒謬」。YouTube影片截圖

這次事件引起公憤，不少網民表示憤怒及傷心「DAY 1已經講左香港人一定會殺死佢」、「任何一個有份出海觀鯨既都係殺鯨兇手」、「叫西貢班船家去死啦」、「記住邊個朋友曾經去打卡影鯨魚」、「觀光果班客同船家無人性」、「整傷佢個船家同船上觀光客最大責任」、「政府一早就可以做野，全世界得香港可以玩死一條入左淺水區既鯨魚」。

帖文來源：Youtube@Chun Chan

港媽到大埔茶記買三文治外賣，囝囝「食食下卜一聲」再吐出異物，於是致電投訴，店家竟咁回覆惹公憤，網民揭：呢間一向西。

示意圖。設計圖片

大埔茶記外賣三文治出現異物

該港媽於facebook群組「大埔人大埔谷」分享中伏經歷，表示日前到大埔昌運中心一家茶餐廳購買外賣「芝士火腿三文治」，豈料回家後囝囝「食食下卜一聲」，再吐出一塊「硬膠」。從照片可以，小朋友吐出來的「硬膠」為白色、呈不規則三角形，驟眼看好像一顆掉下來的牙齒。

（FB圖片）

店家態度惡劣「大聲過我，差到無朋友」

樓主見狀即致電店家反映，店方得悉後竟未有即時道歉，還大大聲「我地而家好忙，唔得閒送過比你」，然後更冷冷地問了一句「想點？」樓主氣憤表示「呢個明顯係佢地責任，仲大聲過我，真係差到無朋友」。

（FB圖片）

網民建議報食環

帖文一出，不少網民批評店方不負責任「直接剷落去同佢講啦！你唔好講到想呃多你份三文治咁，小朋友食架，唔小心吞左咁點呀？」、「吞咗後果不堪設想，咁嘅態度，建議報食環」、「報食環可能會令佢有所明白」、「吞落去大鑊，大人細路食倒都唔好啦」、「如果係我就會即時報警，攞埋檔案編號，再報食環」。

（FB圖片）

街坊揭：呢間一向西

有街坊則指該店員工一向態度惡劣「一向西地方，冇吃6年以上」、「個女人不嬲係咁」、「這個店根本不值得去，收銀及服務員態度奇差！」、「不嬲西，仲西足幾廿年」、「入咗黑名單好久了」、「尤其收銀個女人之前都唔係好語氣，最近更加乜都唔滿意」、「呢幾年一次都冇去過，佢忙佢既事，遲早佢哋會好得閒」、「幾個月前去食早餐，聽到個女樓面數D過年冇俾利是既客人」、「態度超西，從此發誓永不幫襯」。

帖文來源：facebook群組「大埔人大埔谷」