疑似向債主賴皮唔還錢錄音流出 張致恒自言為湊仔冇返工遭網民鬧爆

張致恒近日被KOL Sean公開疑似他與債主的對話錄音，大爆他賴皮拒還債，並透露為湊仔而辭去情趣用品店的工作。

有「離婚界KOL」之稱的張致恒（Steven）和老婆區燕雯（雯雯）結婚四年抱四，但長期經濟困難，就算兩公婆近期不時都進行「網絡行乞」，間中亦有好心網民施以援手，但一家人生活依然拮据。雯雯近日又發文暗示要離婚兼同老公割席，而張致恒日前則被KOL Sean公開疑似他與債主的對話錄音，大爆他拒還債，並已辭去情趣用品店的工作，家中再次再去經濟來源。

張致恒一家長期經濟困難。

雯雯近日又發文暗示要離婚兼同老公割席。

發長文鬧爆老公。

錄音中，張致恒以「大哥」稱呼債主，並以哭腔向債主賴皮，「大哥我都同你講過，就算我係還畀你，我都只係還到一、二千畀你，我冇咁多錢可以還到畀你」，他又指因為無人湊仔，所以已辭去情趣用品店的工作，「再加上我依家冇喺嗰度返工啦，因為冇人幫到我湊仔，我出唔到去做嘢，我依家仲諗緊方法去搵錢，你逼我都冇用…...你咪去…...咁你......唉，我唔知啊，我嗰個老細喺英國度住，英國同呢邊係倒轉咗時差，所以呢佢哋 夜晚先會出糧，我依家都等緊佢過錢畀我，一有我就即刻轉畀啦你好冇，新嘅一年大家好嚟好去好冇啊？我好攰呀！」Sean就直斥對方講大話。

KOL Sean爆張致恒借錯唔還。

兩公婆又私下向粉絲借錢。

更爆張致恒「當網民是提款機」。

今日（1月4日），張致恒就在IG Story出PO，為情趣用品店澄清對方從未欠薪，「只係我同我嘅朋友溝通上有問題，所以誤會咗我冇糧出，因為上個月我同啲仔一齊病咗成個月，所以淨係返咗七日工，七日工有幾千蚊，但係因為本身老細預知（支）咗錢畀我，所以每個月我都要出糧扣錢，所以今個月冇糧出。」

張致恒在情趣用品店打工時不時會出PO宣傳。

張致恒為情趣用品店澄清對方從未欠薪，只是老闆一早預支薪酬，所以他才冇糧出。

另一邊廂，雯雯似乎未受老公被追債影響心情，並在YouTube上載一段為大仔天寶慶祝4歲的影片，片中雯雯和張致恒帶囝囝們去室內兒童遊樂場玩，之後又一家溫馨切蛋糕，但可見未知是否因為三餐不繼，天寶看上去明顯比同齡的小朋友瘦小，令人相當擔憂。此外，最離奇的是，天寶生日是在4月，不知為何要提早三個月慶祝。

影片截圖

影片截圖

影片截圖

影片截圖

影片截圖

影片截圖

觀看相關影片按連結：https://youtu.be/DGfpzWxOzCg?si=_NWzYEAhppRgsL1I

對此，不少網民都留言鬧爆雯雯和張致恒自相矛盾，前者早前公開鬧爆老公又懶又廢、躺平又不湊仔，後者就聲稱自己要湊仔而唔返工，兩公婆根本是一擔擔，不願望外出打工，寧願賣慘呻窮，攤大手等網民「助養」。

雯雯公開過去一周家中發生連環不幸事件，包括她身體健康響警號、兒子生病、愛犬患癌，以及無錢交租被迫遷，但她表示就算咩都冇晒，都只希望所有小朋友同狗狗可以健康。

有「離婚界KOL」之稱的張致恒（Steven）和區燕雯（雯雯）婚後育有四名兒子，近年兩公婆經常在社交平公開家事，雯雯早前透露家中因欠電費被斷電，要PO QR code向網民借錢解決後，又自爆與媽媽斷絕關係後，昨日更在YouTube上載影片，公開過去一周家中發生連環不幸事件，包括她身體健康響警號、兒子生病以及愛犬患癌。

一家六口

雯雯早前透露家中因欠電費被斷電。

之後又自爆與媽媽斷絕關係！

觀看相關影片按連結：https://youtu.be/3zuL7ZiG4i0?si=yi1IlStplJENMM27

片中可見，雯雯先公開自己到醫院看急症的照片，並留言：「自己唔舒服，去咗急症，初步懷疑係腫瘤，要等化驗報告同再深入檢查。」之後又指，先是三仔天朗再次發高燒，「咳到唞唔到氣……嘔去睇急症。開咗藥返屋企。」之後又到另外兩個個囝囝同時感冒，「開始咳同（流）鼻水，少少發燒，去睇急症……驗晒冇中招。」

雯雯公開過去一周家中發生連環不幸事件，先是她身體健康響警號。

三仔天朗再次發高燒。

另外兩個個囝囝又同時感冒

而天朗病情比較嚴重，要留院觀察，雯雯表示：「朗朗持續成個星期都係高燒狀態，今次去急症，分流咗係緊急，即刻照X光入院，我完成冇準備下，就陪佢一齊入咗院，做一連串檢查。」她指這第一次離開囝囝，留他獨自在一個在陌生的地方，見到囝囝被綁住、抽血，她只可在門外聽囝囝大叫和大哭，並跟着一齊哭，「因為咁樣嘅關係，佢而家每晚瞓覺都會不斷嚇醒喊，要捉住我先再瞓。」最後，醫生指天朗有輕微嘶哮症，白血球比正常低，「如果返去再燒要即刻返病房。總括，係因為佢早產發生嘅一連串……再加佢免疫力好低，好容易感染。」

天朗病情比較嚴重。

要留院觀察。

檢查後，醫生指天朗有輕微嘶哮症，白血球比正常低。

雯雯又分享留醫第一晚囝囝不肯自己睡在床上，只能在她懷中才能安睡的照片，不禁感歎：「得歲幾又要經歷……」而她在醫院陪伴囝囝時，亦看到人生百態，令她有一番感受：「其實發生咩都唔怕，最可怕係身體唔健康，好想喺度祝福所有小朋友能夠健健康康。」

天朗要躺在媽媽懷中才能安睡。

禍不單行的是，雯雯家中的愛犬患上癌症，遭受連環打擊的她直言身心都好累，就算被迫遷都已無能為力，「呢個星期完完全全好似我一生唔好嘅嘢一次過發生。短短七日時間，承受嘅壓力我已經再唞唔到氣……身心都覺得好累，我自問已經冇氣力再撐到任何的事情。最後...結尾就係全家病晒，一個月就算姐姐到咗，都冇正常工作、冇收入，換來嘅就係冇交租要搬走，但事實我哋又點可能有一筆錢去租新地方。就算有，全香港都唔會有人租畀我哋。比着以往我會想盡辦法保住個屋企，乞……甚至出賣自己都要保住個屋企，但呢個星期發生嘅已經令我咩力氣都冇。自己持續肚痛，仲要日日夜夜照顧朗朗，擔心狗狗，我而家就算要瞓街，咩都冇晒，我只希望所有小朋友同狗狗可以健康，唔好離開我。」當中，雯雯完全沒有提及過老公張致恒，似乎兩公婆又有分歧。

禍不單行的是，家中的愛犬患上癌症。

遭受連環打擊的雯雯 直言身心都好累。

並表示就算要瞓街，咩都冇晒，只希望所有小朋友同狗狗可以健康。