好心男日出康城會所執銀包 放櫈保管反遭失主屈偷竊咁做甩身

男街坊於日出康城會所用餐時，意外執到銀包，本想暫放椅上待餐後再交給職員。豈料失主折返卻誤認他是賊。

有男街坊於日出康城會所用餐時，意外執到銀包。（資料圖片）(圖片來源:星島日報)

該男街坊於facebook群組「日出康城 Lohas Park @ 家在康城」發文分享其「一肚氣」經歷。他指日前到日出康城會所用餐時，意外發現地上有一個銀包，於是將其拾起並放在餐椅上，打算待會用餐後再交給會所職員。

後來有一對男女到來，像是正在找東西似的，樓主於是拿起椅上的銀包，詢問對方是否失主，豈料男子當場發爛，大聲指控樓主偷竊「話我攞件外套遮住，又話要報警」。雙方擾攘一番後，樓主堅持報警處理，還自己清白，但男女不想便轉身離開。不過，女子之後不甘心又折返，指責樓主「唔應該用件外套遮住個銀包」。

樓主慨嘆被好人當賊扮「好人難做，有下次都係唔做好人。我住咗咁多年，覺得現在康城啲人越嚟越冇品」。

樓主將銀包放在櫈上，打算用餐後再交給會所職員。（資料圖片）

帖文曝光後，不少網民對樓主的遭遇表示同情「算啦，問心無愧就夠」、「如果偷佢銀包，偷咗一早就走咗啦，仲坐响度食嘢，都唔用腦諗嘢，人品唔好，不用理會不用計較」、「咁臭串便應該直接交比警局，等佢地自己証明D野係自己的」、「一樣米養百樣人，冇德冇品，週街有」、「非常自我中心的兩個人。 如果係我即刻影佢相。 睇吓邊個怕公審囉。」

樓主被一男女誤控偷竊。《愛回家》劇照

有人則建議，若遇到類似情況，應立即通知職員處理，以免引發誤會「樓主下次可以選擇交俾餐廳職員避免麻煩」、「叫職員執起同處理，就唔會煩」、「正常即時交畀職員，唔應該keep人哋嘅野，只係阻你食飯一陣間就免除麻煩」、「下次不用執起，通知餐廳職員就得」。

樓主慨嘆被好人當賊扮。《愛回家》劇照。

帖文來源：facebook群組「日出康城 Lohas Park @ 家在康城」

港媽到大埔茶記買三文治外賣，囝囝「食食下卜一聲」再吐出異物，於是致電投訴，店家竟咁回覆惹公憤，網民揭：呢間一向西。

示意圖。設計圖片

大埔茶記外賣三文治出現異物

該港媽於facebook群組「大埔人大埔谷」分享中伏經歷，表示日前到大埔昌運中心一家茶餐廳購買外賣「芝士火腿三文治」，豈料回家後囝囝「食食下卜一聲」，再吐出一塊「硬膠」。從照片可以，小朋友吐出來的「硬膠」為白色、呈不規則三角形，驟眼看好像一顆掉下來的牙齒。

（FB圖片）

店家態度惡劣「大聲過我，差到無朋友」

樓主見狀即致電店家反映，店方得悉後竟未有即時道歉，還大大聲「我地而家好忙，唔得閒送過比你」，然後更冷冷地問了一句「想點？」樓主氣憤表示「呢個明顯係佢地責任，仲大聲過我，真係差到無朋友」。

（FB圖片）

網民建議報食環

帖文一出，不少網民批評店方不負責任「直接剷落去同佢講啦！你唔好講到想呃多你份三文治咁，小朋友食架，唔小心吞左咁點呀？」、「吞咗後果不堪設想，咁嘅態度，建議報食環」、「報食環可能會令佢有所明白」、「吞落去大鑊，大人細路食倒都唔好啦」、「如果係我就會即時報警，攞埋檔案編號，再報食環」。

（FB圖片）

街坊揭：呢間一向西

有街坊則指該店員工一向態度惡劣「一向西地方，冇吃6年以上」、「個女人不嬲係咁」、「這個店根本不值得去，收銀及服務員態度奇差！」、「不嬲西，仲西足幾廿年」、「入咗黑名單好久了」、「尤其收銀個女人之前都唔係好語氣，最近更加乜都唔滿意」、「呢幾年一次都冇去過，佢忙佢既事，遲早佢哋會好得閒」、「幾個月前去食早餐，聽到個女樓面數D過年冇俾利是既客人」、「態度超西，從此發誓永不幫襯」。

帖文來源：facebook群組「大埔人大埔谷」