常有乘客投訴的士司機的服務態度差，日前就有網民在社交平台分享一次搭的士的不愉快經歷。
資料圖片
樓主在Facebook群組發文指日前從外地旅遊返港，在香港國際機場接的士回家，怎料當的士司機得知目的地是屯門時，竟然說了句「排隊咁耐去屯門，X！」令他聽了後覺得好受氣又無辜，他表示「有乜必要咁嘅心態對待自己嘅職業！」更說「的士業有啲咁嘅司機，想好都難，可悲！」
網上圖片
帖文一出，好多網民都批評的士司機態度差，「咁不如唔好揸的士啦，做7仔好肯定時薪一定有50蚊，咁咪唔使怨天尤人」、「而家盡量唔搭太夜機，好似我做錯咁先X街」。亦有行家出聲指同行不應該將情緒發洩在乘客身上「我揸紅的排親站就預咗有近有遠，未入行都知呢行係咁，從來唔會怨。呢條友仲要將情緒畀客受，咁難為劈匙啦。」
示意圖。《降魔的》劇照
不過亦有網民表示同情司機，明白為何會咁洩氣，他們留言「排兩個幾鐘頭賺嗰百零蚊條友梗係由心裏面腰出嚟啦！」、「明白排2個鐘頭上1個130元嘅客……只係可能個司機埋怨自己無運」。亦有人建議，「想人哋無咁難受咪畀少少貼士囉」。
示意圖。《降魔的》劇照
港媽到大埔茶記買三文治外賣，囝囝「食食下卜一聲」再吐出異物，於是致電投訴，店家竟咁回覆惹公憤，網民揭：呢間一向西。
示意圖。設計圖片
大埔茶記外賣三文治出現異物
該港媽於facebook群組「大埔人大埔谷」分享中伏經歷，表示日前到大埔昌運中心一家茶餐廳購買外賣「芝士火腿三文治」，豈料回家後囝囝「食食下卜一聲」，再吐出一塊「硬膠」。從照片可以，小朋友吐出來的「硬膠」為白色、呈不規則三角形，驟眼看好像一顆掉下來的牙齒。
（FB圖片）
店家態度惡劣「大聲過我，差到無朋友」
樓主見狀即致電店家反映，店方得悉後竟未有即時道歉，還大大聲「我地而家好忙，唔得閒送過比你」，然後更冷冷地問了一句「想點？」樓主氣憤表示「呢個明顯係佢地責任，仲大聲過我，真係差到無朋友」。
（FB圖片）
網民建議報食環
帖文一出，不少網民批評店方不負責任「直接剷落去同佢講啦！你唔好講到想呃多你份三文治咁，小朋友食架，唔小心吞左咁點呀？」、「吞咗後果不堪設想，咁嘅態度，建議報食環」、「報食環可能會令佢有所明白」、「吞落去大鑊，大人細路食倒都唔好啦」、「如果係我就會即時報警，攞埋檔案編號，再報食環」。
（FB圖片）
街坊揭：呢間一向西
有街坊則指該店員工一向態度惡劣「一向西地方，冇吃6年以上」、「個女人不嬲係咁」、「這個店根本不值得去，收銀及服務員態度奇差！」、「不嬲西，仲西足幾廿年」、「入咗黑名單好久了」、「尤其收銀個女人之前都唔係好語氣，最近更加乜都唔滿意」、「呢幾年一次都冇去過，佢忙佢既事，遲早佢哋會好得閒」、「幾個月前去食早餐，聽到個女樓面數D過年冇俾利是既客人」、「態度超西，從此發誓永不幫襯」。
帖文來源：facebook群組「大埔人大埔谷」
