的哥稱「呠」前方單車男卻遭爆粗回應 網民留意到一點指事件不能盡信

有的士司機上載片段聲稱響咹提醒前方單車男後方有車，豈料對方不忿，衝燈後再鬧爆司機。但網民有留意到片段有一點，認為樓主說話不能盡信。

(FB影片截圖）

的士司機稱：好心響咹提醒

該的士司機於facebook群組「車cam L(香港群組）」上載車cam片段，表示日前他響咹提醒前面的單車男後方有車，怎料反被對方大罵：「提示佢後方有車，點知佢鬼上身」。事發在荃灣，影片顯示樓主的士沿右邊的快線行駛，前方有一名男士騎著單車，左線則有一輛貨車行駛。當的士準備超越單車時，樓主響了一下咹提醒，單車男先騎著單車右移去路面最右邊，讓路給的士。

(FB影片截圖）

稱單車男不滿被「咹」

隨後，當的士在紅燈前停下時，單車男再次駛前超越的士，甚至無視紅燈，橫穿正在過馬路的行人。之後，單車男將單車停泊在行人路，再跑到的士前，大罵樓主。不過，由於影片沒有聲音，所以無法確定二人之間的爭吵內容。最後，單車男返回行人路，而樓主則在綠燈亮起後開車離開。

(FB影片截圖）

網民：違反交通規則

影片曝光後，不少網民指責單車男未有遵守交通規則：「單車唔靠左手路邊行馬路，架車冇燈，衝燈。條條夠做」、「單車衝燈仲要人群穿插喎，報警」、「單車行右線，仲好意思返轉頭鬧人」、「報警囉，有車cam佢衝紅燈」、「呢個單車就真係衝紅燈」、「唔守交通規則仲返轉頭鬧」、「單車危險駕駛，可以拉得」。

(FB影片截圖）

網民：影片無聲

不過，有人就指影片沒有聲音，未能盡信：「冇聲你話佢衝上嚟講我愛你都得㗎啦」、「無聲嘅？係咪身有屎，自己仲惡過人？」、「你冇聲，點知有冇係佢後面不停咁喇叭，還是淨係撳一下提醒佢」、「冇聲嘅，你話你爆晒粗都有人信啦」、「無聲，你話佢係美斯出場都得架」。

(FB影片截圖）

帖文來源：facebook群組「車cam L(香港群組）」

有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。

的士誤衝屋苑消防通道

有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。

突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。

(FB圖片）

狗仔當場被撞斃 男童則擦傷

不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。

(FB圖片）

事主留言還原真相

帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。

(FB圖片）

(FB圖片）

網民大罵的士司機

不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。

亦有網民批評事主無用狗繩

不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」

事主解釋為何未用狗繩

樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。

(FB圖片）

帖文來源： 「車cam L（香港群組）」