孖黎展峯拍片玩街頭挑戰 黃明德超級社恐同陌生人講嘢勁尷尬

黃明德和黎展峯的任務就是要得到最多反白眼或被怒睥便勝出。

作為主導網絡的Gen Z，黃明德（Dark）及黎展峯（Andy）最近密密拍片，早前二人拍攝一系列名為「on9任務」的battle片，「任務」包括於拖阿婆隻手、街上叫年青人做uncle或auntie、走路時扮仆倒看途人反應、找學生說肉麻情話等，得到最多反白眼或被怒睥便勝出。

黃明德與黎展峯最近密密拍片，更拍攝了一系列名為「on9任務」的battle片。

「肉麻情話」一集，Dark首先找了一名男生，叫他望着自己的手指，男生望完後，Dark便說：「得啦。」便走開，以為可以蒙混過關，結果當然失敗，後來他又找到一名女生說：「你知唔知你咁樣望住我，我會驚？」女生不明所以，Dark接着說：「因為我驚老婆。」但女生仍一頭黑人問號，Dark只好邊說對不起邊尷尬地躹躬敗走。

Dark「肉麻情話」任務失敗。

Dark「肉麻情話」任務失敗。

Dark「肉麻情話」任務失敗。

至於Andy，他找的兩位對象都因為趕時間而沒有機會開口，最後找到一位叔叔，跟Dark一樣的開場白，「你覺得我隻手有冇咩別呀？」叔叔答沒有，Andy乘勝追擊，「梗係冇特別啦，因為你都未拖我。」叔叔即時露出一副冧豬樣，更主動跟Andy擊掌，Andy再說：「可唔可以對住鏡頭反白眼呀？」雖然站在旁邊的Dark大叫唔好，但叔叔照做，Andy立即勝出，十分搞笑。

Andy對叔叔講肉麻情話。

Andy對叔叔講肉麻情話。

而最新上架的「拖阿婆手」，二人便到「長者聚居地」維多利亞公園，向路過或正在做運動的長者「埋手」。這次Andy首先出擊，他對第一位婆婆解釋正在做任務，問介不介紹跟他握一下手，一號婆婆爽快答應；隨後他又問二號婆婆：「介唔介意我拖住你隻手行一段路呀？我做緊任務呀。」二號婆婆十分歡迎，Andy兩戰兩勝。至於Dark同樣找了兩位婆婆，不過都被斷言拒絕，最後找到一位路過的婆婆，雖然成功跟他輕輕握了一下手，但依然落敗。

Andy成功拖婆婆手。

Andy成功拖婆婆手。

Andy成功拖婆婆手。

Dark只成功跟婆婆輕輕握了一下手。

Dark又落敗。

挑戰了多個「on9任務」，問到二人哪樣最尷尬，Dark表示每個都很尷尬，「因為我超級社恐，每個challenge都係要同陌生人講嘢，所以每次都好尷尬。」Andy則謂叫年青人做uncle、auntie的任務，「當時我邀請咗兩位女仔一齊做任務，正當我準備好心情同鼓起勇氣叫佢哋auntie嘅時候，佢哋突然間爆咗句『你好帥』，即刻當堂尷尬到唔記得咗要做任務，唔好意思再叫佢哋auntie，講完多謝就即刻走人，哈哈。」

Dark自言我超級社恐，每次同陌生人講嘢都好尷尬。

至於如何克服尷尬，二人即互笠高帽，表示要向對方「學習」，Andy說：「呢一方面真係唔夠啊Dark嚟，面皮真係冇佢咁厚。我諗日後最簡單嘅克服方法，就係模仿多啲啊dark，吸收下佢啲面皮厚、唔怕尷尬嘅特質。」Dark則謂：「就係見到Andy都好唔尷尬，好叻仔，所以我都要加油。」

Andy就笑指唔夠Dark「面皮厚」。

《新城體育會》再出動打羽毛球！

《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」

《新城體育會》昨日（4月24日）再出動打羽毛球。

郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。

今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」

Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」

黎展峯小時候獲任職羽毛球教練外公教授羽毛球技。

嬌小龔柯允原來是籃球健將，馬浚偉承諾稍後安排打籃球。

黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」

龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！

郭偉亮自爆打波絕招……就是……好快打完！

馬浚偉與郭偉亮、黎展峯、教練Arthur玩雙打。