首個歌迷聚會收乳貼禮物 黎展峯緊張又興奮：即刻望一望自己個心口！

這亦是Andy出道後兩年來舉行首個歌迷聚會及生日會。
日前，黎展峯（Andy）的歌迷為二月生日的Andy慶祝其二十六歲生日，這亦是Andy出道後兩年來舉行首個歌迷聚會及生日會。

Andy出道後兩年來舉行首個歌迷聚會及生日會。

生日會上，Andy除了演唱多首歌曲，又與歌迷們大玩遊戲，其中的「猜猜畫畫」更讓Andy一展其「鬼斧神工」的畫功，而猜中答案的歌迷，更可以得到Andy親筆手稿，令遊戲環節的氣氛頓時飆升，十分熱鬧。為了答謝歌迷的支持，Andy特別排練了一小段舞蹈送給歌迷，引得全場迷歡呼聲不絕。

其中的「猜猜畫畫」更讓Andy一展其「鬼斧神工」的畫功

首次舉行歌迷聚會及生日會，Andy坦言緊張又興奮，因為以往只是在出席活動後跟歌迷拍照，相處時間不多，這是一個難得的機會跟歌迷可以長時間相聚，「今次聚會可以同大家玩遊戲同埋互相分享感受，好感恩佢哋一直支持我！今次生日會唔想淨係fans們為我準備，所以都上網學咗一段舞，雖然跳得有啲怕醜，但大家都睇得幾開心，希望將來我都有機會喺舞台上表演跳舞！」

Andy坦言緊張又興奮

因為以往只是在出席活動後跟歌迷拍照，相處時間不多

生日會上，不少歌迷都向Andy送上生日禮物，當中最令Andy又驚又喜的禮物，竟然是收到兩包乳貼！「我即刻望一望自己個心口，但之後佢解釋，話見我平時成日着背心同運動衫跑步，要保護好心口，可以等我跑得舒適啲，哈哈！聽完都覺得呢份禮物幾有心思！」至於生日願望，Andy表示希望今年可以製作多點不同類型的歌曲、更多錢音樂人合作，「特別喺自己嘅歌曲上面涉獵多啲唔同範疇，例如自己和音，甚至試吓作曲。」演戲方面，希望可以嘗試不同角色，「因為自己演戲資歷好淺，所以有唔同角色都一定會去嘗試。最後希望自己同埋身邊嘅人都身體健康，咁先可以有足夠嘅力氣，繼續努力！」

生日會上，不少歌迷都向Andy送上生日禮物

期待Andy更多的表現

《新城體育會》再出動打羽毛球！

《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」

《新城體育會》昨日（4月24日）再出動打羽毛球。

郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。

今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」

Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」

黎展峯小時候獲任職羽毛球教練外公教授羽毛球技。

嬌小龔柯允原來是籃球健將，馬浚偉承諾稍後安排打籃球。

黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」

龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！

郭偉亮自爆打波絕招……就是……好快打完！

馬浚偉與郭偉亮、黎展峯、教練Arthur玩雙打。