新歌獲古巨基加持 黎展峯自爆拍拖未做過「輸家」

黎展峯新歌《不眠來電》MV於10月12日晚上架，歌曲由BC、Lesta Cheng作曲、甄敏延填詞、黃兆銘編曲、徐浩監製，而歌曲名稱則是來自古巨基。

黎展峯（Andy）指歌曲《不眠來電》的名稱原來是由古巨基想出來，「事緣係古sir搵我一齊參與《星戰》，即係佢『I Really Love To Sing』專輯入面第十首歌。有次佢問起我哋每一位年輕歌手最近有啲乜嘢煩惱，當時我隻歌仲未有歌名，我就話我嘅煩惱就係諗緊歌名，然後佢忽然間就話：『不如我幫你諗吓。』跟住我哋就開始咗個conversation，我send咗我嘅demo、歌詞俾佢，佢聽完就覺得『不眠來電』呢個名都幾適合大眾，所以我哋最後就用咗呢個名，好多謝古sir賜予咗呢個歌名俾我。」

Andy透露《不眠來電》這個歌名是由古巨基想出來！

事緣古巨基找他參與《星戰》時，問到每一位年輕歌手最近有什麼煩惱，他就告訴古Sir他正在煩惱歌名。

歌曲取材自Andy的個人經歷，他謂跟監製傾談歌曲主題時分享了自己過往的愛情故事，「以前發夢見到一個自己好鍾意嘅人，但我哋最後冇一齊，然後我就好期待每一晚發夢可以見到佢。佢哋聽完後就用咗一個比較特別啲嘅topic喺今次首歌，就係MV女主角飲醉酒打錯咗俾我，但我冇因為咁而唔開心，反而更加想佢每一晚都再一次飲醉再打俾我，因為我好想成為陪伴住佢身邊嘅嗰個人，即使我知道自己可能未必再有機會真係同佢發展，所以係一個幾sad嘅故事。」

新歌取材自Andy的個人經歷。

觀看相關影片按連結：https://youtu.be/T_WqXKn17fM?si=jIaQ-1YARNw8a64g

問到MV難忘事，Andy笑言首次於愛情中做「大輸家」十分難忘，更自爆現實生活中在愛情上從未做過輸家，「MV入面我扮演一個有少少可以話係『兵』咁嘅身份，所以比較悲慘啲，因為女主角Kiki係同唔同嘅男仔有唔同關係上嘅發展，佢哋就係黃溢濠同Bryan。喺MV上佢哋都俾咗好多意見，even佢哋未必有出鏡嘅時候，佢哋都會：『啊！你可以試吓咁樣做喎。』所以好感恩佢哋可以分享到好多俾我。」

女主角Kiki

Kiki、Andy、黃溢濠、Bryan

《新城體育會》再出動打羽毛球！

《新城體育會》昨日（4月24日）舉辦了第三次羽毛球活動，新城廣播有限公司首席營運總監馬浚偉帶領「新城羽毛球隊」，邀請歌手郭偉亮（Eric Kwok）、黎展峯（Andy）及龔柯允（Karen）齊齊打羽毛球揮灑汗水，而新城知訊台台長程凱欣亦首次落場，獲得馬浚偉大讚台長：「打得好好喎！」台長更貼心地一直陪著自嘲來執波的龔柯允打波，馬浚偉更鼓勵Karen：「肯出嚟做運動，出身汗，已經好好啦！」

《新城體育會》昨日（4月24日）再出動打羽毛球。

郭偉亮打波反應快 但自言冇乜耐性
眾所周知Eric Kwok熱愛滑雪，但他其實同樣熱愛羽毛球，Eric Kwok表示：「我個幾禮拜就會打一次羽毛球，都打咗十幾年，啱啱返香港時成日同趙增熹一齊打，嗰時操得好勁，一星期打兩三次，又有教練教，但自從做咗XiX經理人之後就冇再打。」他解釋因之前打羽毛球拉傷膊頭，故休息了兩個月沒再打。

今次是Eric Kwok相隔十年再跟馬浚偉打羽毛球，他憶述：「我記得大概係十年前，有個唔知咩比賽同馬生打過一次，印象中佢打得好好，佢又高，有晒打羽毛球的身形。」問Eric Kwok有甚麼絕招？他笑言：「絕招就係好快打完，我冇乜耐力，但反應快，始終都係要練習。」

Eric Kwok同陳奕迅（Eason）老友鬼鬼，二人亦經常相約打波，他表示：「佢本身係打網球，我有一排都同佢打羽毛球，佢都打得好好。（邊個勁啲？）網球佢勁我好多，因為佢主力打網球，羽毛球我打得耐過佢，有時會教佢，但最主要我哋玩雙打好開心，我哋好夾、好有默契，又唔會爭波打，唔會在乎輸贏，同佢打波好開心，佢成日笑。」

黎展峯小時候獲任職羽毛球教練外公教授羽毛球技。

嬌小龔柯允原來是籃球健將，馬浚偉承諾稍後安排打籃球。

黎展峯靠做運動減壓 最近學耕田
黎展峯（Andy）球技似模似樣，他透露小時候獲任職羽毛球教練的外公教他打羽毛球，所以自小已打羽毛球，他笑言：「我身高183cm，係高度取勝，唔打得都睇得，但技術要再鍛鍊，平時都會約同公司的歌手黃明德打籃球，當自己有壓力或者想抒發吓就會做運動。」而近日他更一嘗耕田滋味：「我朋友有個地方自己種菜，唔係玩盆栽仔嗰啲，真係有塊田要除草、翻土，成件事身心都好健康，本來以為好易，但原來要用晒成身，仲辛苦過跑步。」

龔柯允自嘲來執波 興奮獲馬浚偉承諾安排打籃球
至於龔柯允（Karen）則自嘲是來「執波」，她稱：「我係鄉下式打法，完全冇技巧可言，所以過嚟執波，或者搵Eric sir教我。」不過身形嬌小的龔柯允，原來是籃球校隊，她笑稱：「如果唔打會更加矮，同埋因為高度問題，冇辦法落場，雖然爸爸係籃球會主席，但佢唔會因為咁偏心我，反而自己會游水、跑步、踩單車，練吓肺活量，對唱歌好有幫助。」馬浚偉並向她許下諾言，稍後安排打籃球，Karen聽到後，十分興奮表示一定報名出席！

郭偉亮自爆打波絕招……就是……好快打完！

馬浚偉與郭偉亮、黎展峯、教練Arthur玩雙打。