春季名物！港男頭髮驚現14粒不明「綠色粒粒」整齊排列 真身曝光勁嚇人

有港男的頭髮上突然出現不明「粒粒」，綠色14顆整齊排列，網民高呼「好驚嚇」，真身原來係是……

港男頭髮上出現不明「粒粒」真身勁嚇人

春季是各種各類昆蟲繁殖的季節。近日，有港男於Facebook群組「香港自然生態論壇」發文，表示日前在家中驚見自己頭髮上出現了14顆臭屁蟲蛋「點解要係我個頭播種，十四粒」。

（FB圖片）

事主指蟲卵出現前，家中曾飛入臭屁蟲

從照片可以，樓主束起的長髮後尾枕位置上，黏附著14粒綠色的臭屁蟲卵，它們一粒粒緊貼排列，呈青綠色，驟眼看有點像膠粒的蟲卵，令人「毛管戙」。樓主表示完全不知道蟲卵幾時開始出現在自己頭上，不過，在發現蟲卵前，他曾看見一隻臭屁蟲飛入家中，並立刻將其清除。

各區亦出現臭屁蟲卵的蹤影。（FB圖片）

網民高呼：好驚嚇

不少網民看到照片也大感不安「好驚嚇」、「嘩，好恐佈，隻蟲停留左係個頭幾耐？」、「好恐怖，即刻頭發麻」、「好癲呀...點解會種頭㗎」、「真係好難想像成件事係點發生咁」、「鄧呢位仁兄驚，整走完啲蟲卵跟住有排洗頭」、「換轉係我可能會直接剪走果一個範圍啲頭髮」。

有人則笑言似好靚嘅髮飾

有人則笑言「好靚嘅髮飾設計」、「妳要做代母啦！」、「無核青提」、「嗯，這段日子辛苦你了，要打側訓」、「對唔住，我毫無人性咁笑咗，我諗應該是個阿媽太陣痛，所以唔理邊度都照生，小心清咗啲蛋佢，好好地洗番個頭吖」

各區亦出現臭屁蟲卵的蹤影。（FB圖片）

近來各區均現臭屁蟲蹤跡

有網民表示每年這個時候，各區都會出現臭屁蟲的蹤跡「啲蛋唔整穿噴汁就ok，係臭臭哋。幼蟲啲花紋好靚，細個會攞上手睇住佢喺我隻手爬嚟爬去，受驚會有少少臭，成蟲唔敢玩因為勁臭。形容到佢咁毒嘅話我死咗好耐，我屋企有樹年年都有臭屁蟲」、「這蟲的臭汁有人受得有人唔受得，唔受得既拈到皮膚就會出事」、「我試過，揦到條頸損咗」。

各區亦出現臭屁蟲卵的蹤影。（FB圖片）

各區亦出現臭屁蟲卵的蹤影。（FB圖片）

帖文來源：Facebook群組「香港自然生態論壇」

港媽到大埔茶記買三文治外賣，囝囝「食食下卜一聲」再吐出異物，於是致電投訴，店家竟咁回覆惹公憤，網民揭：呢間一向西。

示意圖。設計圖片

大埔茶記外賣三文治出現異物

該港媽於facebook群組「大埔人大埔谷」分享中伏經歷，表示日前到大埔昌運中心一家茶餐廳購買外賣「芝士火腿三文治」，豈料回家後囝囝「食食下卜一聲」，再吐出一塊「硬膠」。從照片可以，小朋友吐出來的「硬膠」為白色、呈不規則三角形，驟眼看好像一顆掉下來的牙齒。

（FB圖片）

店家態度惡劣「大聲過我，差到無朋友」

樓主見狀即致電店家反映，店方得悉後竟未有即時道歉，還大大聲「我地而家好忙，唔得閒送過比你」，然後更冷冷地問了一句「想點？」樓主氣憤表示「呢個明顯係佢地責任，仲大聲過我，真係差到無朋友」。

（FB圖片）

網民建議報食環

帖文一出，不少網民批評店方不負責任「直接剷落去同佢講啦！你唔好講到想呃多你份三文治咁，小朋友食架，唔小心吞左咁點呀？」、「吞咗後果不堪設想，咁嘅態度，建議報食環」、「報食環可能會令佢有所明白」、「吞落去大鑊，大人細路食倒都唔好啦」、「如果係我就會即時報警，攞埋檔案編號，再報食環」。

（FB圖片）

街坊揭：呢間一向西

有街坊則指該店員工一向態度惡劣「一向西地方，冇吃6年以上」、「個女人不嬲係咁」、「這個店根本不值得去，收銀及服務員態度奇差！」、「不嬲西，仲西足幾廿年」、「入咗黑名單好久了」、「尤其收銀個女人之前都唔係好語氣，最近更加乜都唔滿意」、「呢幾年一次都冇去過，佢忙佢既事，遲早佢哋會好得閒」、「幾個月前去食早餐，聽到個女樓面數D過年冇俾利是既客人」、「態度超西，從此發誓永不幫襯」。

帖文來源：facebook群組「大埔人大埔谷」