跟觀眾互動解答靈異疑難，更會邀請有份量藝人亮相，分享他們的靈異經歷
由梁思浩、黃紫恩（Jojo）及黃耀英主持，TVB Plus（82台）開台重頭戲及首個靈異直播一小時節目《直播靈接觸》，逢周一晚9點半及周二晚9點35分播映，每集會有各門各派玄學大師坐陣，跟觀眾互動解答靈異疑難，更會邀請有份量藝人亮相，分享他們的靈異經歷。
點擊看圖輯
思浩帶領Jojo（右一）、黃耀英（右三）及美女黑白無常主持節目。
Nana透露跟鄧兆尊的緣份，是獲「老人家」新馬司曾「撮合」。
黑無常湯之欣、白無常黃瀅仴會跟觀眾網上chit chat。
思浩帶領Jojo（右一）、黃耀英（右三）及美女黑白無常主持節目。
上周一（22日）《直播靈接觸》首播後觀眾及網上互動都反應熱烈，第一集登場的「警界天師」茅山師傅簡信回，跟大家分享女事主被鬼上身的故事，當事人現身說法的恐怖經歷，令觀眾又驚又要睇。周二（23日）第二集已故粵劇名伶新馬師曾大仔鄧兆尊帶同紅顏知己陳妙慧（Nana）亮相，Nana原來屬高靈體質，容易通靈之外，更大爆她跟兆尊的姻緣，原來是得到新馬師曾的靈魂任紅娘牽線，聽來似乎神奇，卻又有節有理。此集甚受觀眾歡迎，在討論區引來話題。
上星期思浩請來鄧兆尊擔任嘉賓。
Nana透露跟鄧兆尊的緣份，是獲「老人家」新馬司曾「撮合」。
明晚（29日）一集內容繼續扣人心弦，請來「積少」顏國樑及太太擔任嘉賓。顏國樑早前患上鱗狀癌，今年一月他接受鄧英敏網上頻道訪問時透露，接受過化療及免疫治療，談笑風間透露剛走出鬼門關。原來在藥石無靈階段，顏國樑彌留之際，太太毅然請師傅「續命」。明晚顏國樑會現身親述真實續命經歷，張芯熏師傅即場講解何為種生基、續命書、續命七星燈及教你計算陽壽的方法。至於行善積德是否能夠延壽及如何提防騙子以續命來呃神騙鬼，都會跟觀眾分享。爆炸性內容絕對不容錯過。
思浩早前為《直播靈接觸》拍的宣傳片，氣氛詭異。
此外，《直播靈接觸》除提供「報驚熱線」、「靈異爆片爆相」，方便觀眾參與外。節目創新的地方，是播映時電視觀眾不再是旁觀者，他們可以參與互動分享及提出疑問。方法是透過節目供的QR Code，登入網頁跟兩位黑無常湯之欣、白無常黃瀅仴兩位靚女小編chit chat、派emoji、送心。亦同時有機會贏到由師傅開光加持的開運水晶樹，保家宅平安同時，又可催運擋煞。遇有靈異疑難的觀眾，更可即場向玄學師傅求助，排難解紛。
黑無常湯之欣、白無常黃瀅仴會跟觀眾網上chit chat。
白無常黃瀅仴。
九十年代男神、已超過20年未有現身無綫節目的鄧浩光分享靈異經歷。
由梁思浩、黃紫恩（Jojo）及黃耀英主持，TVB Plus（82台）開台重頭戲及首個靈異直播一小時節目《直播靈接觸》，逢周一晚9點半及周二晚9點35分播映。每集除有各門各派玄學大師坐陣、跟觀眾互動解答靈異疑難之餘，還會邀請有份量藝人亮相，分享他們的靈異經歷。
呢集有胡慧冲（前排左2）同埋鄧浩光（前排左3）擔任嘉賓。
胡慧冲同埋鄧浩光好老友。
鄧浩光（左）、梁思浩
昨晚（11日）第16集，九十年代男神、已超過20年未有現身無綫節目的鄧浩光（Anthony）和「泰國通」Roger（胡慧冲）分享靈異經歷，62歲的Anthony身形比以往清瘦不少惹來網友關注，亦有網友讚他有型有款，靚仔樣依然。思浩透露與Anthony相識時，當時Anthony的手部受了傷，Anthony首度在節目開腔談及此事，他說：「今次係第一次講，呢件事一直擺喺心入面，1989年時我喺友台第一次拍電視劇，劇情係講我做警員要追一架車，當時凌晨兩、三點喺火炭一個停車場拍。」Anthony指事前多次排練都十分順利，他說：「之後有個工作人員話：『勁喎，咁多Fans睇你拍嘢。』我就話冇喎，咁夜邊度會有人，我自己冇為意，之後意外真係出現咗，我畀架車撞到，撞爆咗車頭玻璃，（展示手部傷疤）隻手斷晒筋，依家隻手啲筋係隻腳趾攞筋上嚟駁番，之後嗰個工作人員嚟咗探我，佢話記唔記得嗰日講過見到好多人，依家就知道唔係啦，佢話會唔會係搵替死鬼呢？」
梁思浩（右）、胡慧冲
鄧浩光比以往清瘦不少，但依然咁靚仔。
胡慧冲
Anthony與「泰國通」Roger老友鬼鬼，Roger大談與Anthony結緣的經過：「以前喺友台做Writer，2年之內去咗30幾個地方，有一半係同佢去，後尾唔使寫稿畀佢，同佢講一次佢就已經可以原裝講番出嚟。」Anthony笑言：「因為佢寫稿好專一，成日玩食字，啲套路我已經知道晒，佢未寫我已經知道晒。」足見兩人默契十足。兩人曾到泰國桂河大橋拍攝節目，該處在二戰時期死了十萬多人，兩人在當地齊齊遇上靈異事件！Anthony說：「做幕前通常一個人一間房，幕後就Share Room，嗰日唔知點解唔夠房要Share房，之後酒店經理話其實有間房，但睇吓我會唔會住，我諗瞓一晚咩房都得，原來間房係老闆個媽媽長住嘅，入到去覺得幾陰森，有一部好古怪嘅衣車，同埋啲擺設都比較怪，我話唔緊要啦一晚就照住，我瞓嗰陣Feel到張床係Un下Un下，我同自己講攰得滯有幻覺啫，但係最奇怪，第二日準備Check Out預備開工時，Feel到張床係濕嘅，床冚被鋪都係唔乾嘅，之後喺衣櫃攞衫着，啲衫都係濕晒未乾咁樣！」Roger則說：「嗰時好興着迷彩，撞到個Crew，佢話你啲Friend到咗，話成班迷彩軍隊喺外面步操，當時以為佢講笑，但諗吓呢度係桂河大橋，撞到都唔出奇！」
思浩（右2）同鄧浩光（右）認識時，鄧浩光隻手係整親嘅。
鄧浩光首次談及呢件事，手上仲留有疤痕。
鄧浩光首次談及呢件事，手上仲留有疤痕。
節目尾聲，Roger再爆一件親身經歷的靈異事件，他說某年和Anthony去到尼泊爾尋找「活女神」拍攝節目，當時的製片安排了他拍攝拜神舞，所有舞者都戴着面具跳舞，Roger被其中一個平平無奇的面具深深吸引着，着晒迷的Roger更不理Anthony的勸阻堅持買下該面具，他說：「第一係好想買，第二尼泊爾我未必再去，睇完隻舞覺得好好睇，好想擁有（面具）。」沒想到回到香港便出事，Roger說：「我嗰時住喺香港，晚上聽到撳門鐘聲，樓下有看更，阿媽又唔會三更半夜嚟搵我，之後當無嘢照瞓，第二朝我真係覺得有人撳鐘，出到廳見擺（面具）個位有個人影！」心知不妙的Roger後來趁着出Trip泰國拍攝，急急將面具送到寺廟處理，他呼籲大家：「喺外國見到同神佛有關嘅東西，唔好亂請唔好亂買，否則易請難送！」
胡慧冲同鄧浩光喺桂河大橋拍攝時遇上靈異事件。
胡慧冲同鄧浩光喺桂河大橋拍攝時遇上靈異事件。
鄧浩光入住咗一間猛鬼酒店房！
胡慧冲喺尼泊爾買入一個神秘面具，點知就咁出咗事！
胡慧冲喺尼泊爾買入一個神秘面具，點知就咁出咗事！
