直播靈接觸丨「鬼后」關寶慧揭靈體愛睇拍戲 自爆已故好友Nel Nel曾「到訪」

「鬼后」關寶慧表示會繼續努力修行，希望有朝一日可以知道故友們的要求。

《直播靈接觸》前晚（5月20日）一集陰宅師皓云講到壞人墓者，有機會如韓國驚悚電影《破墓》中的破壞者，遭到靈力反噬。昨晚（21日）繼續精彩，請來「鬼后」關寶慧現身，同場「火拼」「鬼王」梁思浩，互相爆料令現場陰寒指數急升。

（左起）黃耀英、關寶慧、思浩及Jojo。

天生陰陽眼的「鬼后」關寶慧經常拍攝鬼片及靈異節目，「見鬼」的次數可謂無日無之，又揭露在拍戲現場特別多靈異事件發生，她解釋︰「啲靈體好鍾意睇拍戲。」寶慧如數家珍大爆「撞嘢」經歷，數年前拍戲時準備穿上一對連戲拖鞋，其中一隻無論如何都穿不上，她說︰「對拖鞋係私伙，後來睇返其中一隻明顯細咗一個碼。」請教張芯熏師傅後發現，原來有一隻女鬼寄存在鞋內，最後由師傅請走。

關寶慧講起自身靈異經歷非常肉緊。

寶慧自爆不少過世好友都會「回來」探望自己或者報夢，當中已故形象指導Nel Nel張學潤亦是其中一位，她說︰「Nel Nel有搵過，但係get唔到佢嘅暗示係乜嘢，問極都唔知。」她感嘆會繼續努力修行，希望有朝一日可以知道故友們的要求。思浩亦表示每次有離世好友「到來」，都會感動流淚，亦呼籲大家珍惜眼前人。

「鬼后」關寶慧與「鬼王」思浩同場。

思浩表示亦有類似經歷，早前歌手黎明詩（Stephanie）因病於3月28日離世。原來Stephanie臨終前曾報夢跟思浩訣別，他說︰「佢28號走，26號佢嚟搵我，夢中同我講拜拜話『我走喇』，醒咗之後打畀佢屋企人講返，佢哋都唔信，跟住隔咗兩日真係走咗。」

關寶慧跟一班主持、黑白無常回覆網上觀眾查詢。

關寶慧跟一班主持、黑白無常回覆網上觀眾查詢。

此外，思浩早前為一家低收入人仕的12歲小朋友舉行法事，儀式期間思浩默唸「小朋友有咩想交代」，忽然有把小朋友聲回應話「佢哋好衰爭我筒炸雞」。即時思浩詢問身旁父母，母親聽後淚流滿面，因為答應小朋友生日會買炸雞最後沒買，小朋友因此跳樓自殺。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》昨晚（12月16日）主題為「電台靈異經歷」請來資深廣播人周國豐擔任嘉賓，大談電台的靈異事件。

嘉賓周國豐大爆電台靈異故事。

周國豐透露入行經過，原來跟講鬼故有關，他笑說︰「其實係同一年參加唱歌同DJ比賽入行， DJ比賽贏咗。DJ除咗考即時反應，有一個天才表演環節，10個參賽者9個揀唱歌，我梗係唔咁傻，所以揀講鬼故。」周國豐講鬼故技巧，跟年幼時爸爸離世的經歷有關，他說︰「我8歲時爸爸就離開咗，係腦癌所以病情好急轉直下，幾個月就走咗。佢彌留當晚，接到醫院電話通知，叫屋企人儘快嚟。」

嘉賓周國豐大爆電台靈異故事。

當家人鎖好門準備離開時，屋內電話再響起，接過電話電話卻沒有回音。經過一輪擾攘後，一行人由家住的九龍城徒步數分鐘往父親入住的醫院，當行到一條必經的十字路口時，他們被眼前景像嚇呆，周國豐補充說︰「嘩！發生咗交通意外，如果無聽個電話，發生意外就係我哋。」各人深信是周爸爸保佑。

嘉賓周國豐大爆電台靈異故事。

從事廣播業多年的周國豐，耳聞不少電台靈異傳聞，他說︰「某電台三樓有好多傳聞，你知做通宵節目凌晨兩點做到6點，公司文職人員都已經走晒，每次做節目都要上三樓攞唱碟。有一次有位同事拎唱片時竟然聽到打字機聲、又試過見到有人坐喺office，轉頭就唔見咗。」他透露每間直播室都有本記事簿，記錄做節目時發生的特別事項，不時就會有人寫「直播室有鬼」。周國豐分享DJ行內的禁歌，除眾所周知的《夜夜痴纏》，還有光良、品冠的作品《掌心》。原因是《掌》的MV有靈異事件，所以被禁。

DJ行內有幾首禁歌不能播。

另一首是日文歌《風之谷》，試過有DJ凌晨播這首歌時，在走廊見到有小朋友行過，之後電台不成文規定不准再播此歌。講到最恐怖的一首，要數到匈牙利歌曲《Gloomy Sunday》，他說︰「傳聞聽完之後會自殺，所以到而家都唔敢聽。」此外，節目中思浩提到草蜢主唱的《寶貝對不起》原來有鎮魂的作用，他說︰「上海有一間百貨公司意外死咗好多人，公司老闆為咗鎮住啲怨靈，所以由朝到晚都播呢首歌，播足十年。呢首就係草蜢嘅《寶貝對不起》。」思浩表示下次出埠入住酒店，為求心安不妨播這首歌。

DJ行內有幾首禁歌不能播。

DJ行內有幾首禁歌不能播。