沈祖堯想做特首?

中大校長沈祖堯續約三年到2018年，有人歡喜有人愁。口痕友話，沈祖堯是否走前中大校李國章之路，做完中大亞瑟王之後，學而優則仕，幾年後走去做官?

有個重量級中大人對Ariel講，沈祖堯唔止想做官，佢更覺得自己係一隻特首的黑馬，有run特首的意圖。當然謀事在人，成事在天，係北京天壇嗰個天，所以佢只係密密手部署，未至太露出來。佢做唔到特首，都有興趣做局長。

睇番沈祖堯在中大做嘢的手法，亦有跡可尋。他先在中大內聚眾，累積支持。中大近年較少向外請新教授，主要升自己人，老師升職機會多了，自然喜歡校長。沈校長打出不追求大學排名的招牌，老師出文的壓力減少，學生亦同時減壓，校長對學生講話又投其所好，自然好多人like。

雖然中大在國際大學榜的排名不斷下滑，部份老師或校友對略有微詞，但這也阻不了沈校長的大計，因為唔想有大壓力的人數更多。

有人話校長任期到2018年，下屆政府2017年就產生，佢離任時間過咗下屆選特首甚至做主要官員的時間喎。高人話你唔使替佢擔心，若然有機入仕，佢可以提早在2016、2017年退場啫。

Ariel

** 博客文章文責自負,不代表本公司立場 **

匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。

葉劉淑儀計劃在下月中港搞「2024全球繁榮峰會」。

峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。

諾貝爾化學獎得主科恩伯格教授將擔任主題演講嘉賓。

葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。

峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。

葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。

她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。

她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。