Skip to Content Facebook Feature Image

拆局:揭葉劉哽咽眼濕濕的原因

政事

拆局:揭葉劉哽咽眼濕濕的原因
政事

政事

拆局:揭葉劉哽咽眼濕濕的原因

2017年01月17日 19:26 最後更新:22:12

葉劉淑儀今日向傳媒介紹其特首選舉團隊,講起現任特首梁振英盛讚林鄭月娥有擔當,立時眼濕濕,話自己出錢出心出力,點可以話無擔當?

點解葉劉咁感觸?唔通只係因為無俾人讚?

政壇高人話背後有原因,首先,係被飲食界選委盛智文「請食檸檬」,在葉劉的參選大會上,她在台上說感謝盛智文擔任她的競選辦特別顧問﹐點知大半個月後,盛智文話樂意為林鄭助選,並傳出會加入林鄭競選團隊做主席團成員。

另一個觸動葉劉的原因係佢知道自己好大機會唔夠150提名票入閘。政壇高人說,泛民撐鬍鬚曾,如果佢入閘即係代表泛民,阿爺絕唔會容許兩名建制派同時入閘,即係唔會俾票葉劉,而葉劉自己最多只能攞到幾十個提名票,目前來看,入閘機會渺茫。

仲有一個更微的機會係鬍鬚曾最後入唔到局,阿爺可能會俾票葉劉入閘,不過,呢個機會諗落唔係好大。




Ariel

** 博客文章文責自負,不代表本公司立場 **

往下看更多文章

葉太搞「全球繁榮峰會」讓外國人睇睇真實香港 研判23條立法已經軟著陸

2024年04月24日 10:57 最後更新:11:00

匯賢智庫理事會主席葉劉淑儀又有新搞作,計劃在下月中港搞「2024全球繁榮峰會」,邀請全球近300個嘉賓來港,討論影響全球繁榮的議題。

葉劉淑儀計劃在下月中港搞「2024全球繁榮峰會」。

葉劉淑儀計劃在下月中港搞「2024全球繁榮峰會」。

峰會邀請了諾貝爾化學獎得主、國際結構生物學權威羅傑.大衛.科恩伯格教授(Professor Roger D. Kornberg)擔任主題演講嘉賓,主講者甚有份量。

諾貝爾化學獎得主科恩伯格教授將擔任主題演講嘉賓。

諾貝爾化學獎得主科恩伯格教授將擔任主題演講嘉賓。

葉太話希望外國朋友嚟香港睇睇,香港一切冇變,生活如常。佢話香港應有角色,應該是缓沖區而不是戰場,要推動民間交流。

峰會的演講嘉賓,還包括知名經濟學家、霍普金斯應用經濟學教授漢克(Steve Hanke)。

峰會的演講嘉賓,還包括知名經濟學家、霍普金斯應用經濟學教授漢克(Steve Hanke)。

葉太又評估政治形勢,話23條立法已經軟著陸,美國暫時不會太強硬針對香港。她每日收到有關外國對香港的新聞簡報,發覺近日外國已不太關心香港政治,主要關心經濟問題,例如某些外資銀行裁員等等。

她認為,美國宣佈針對香港23條立法的行動,主要是國務卿布林肯話,要限制香港相關官員入境美國。但布林肯的限制名單不會公開,正如香港拒絕外國人入境也不會公開名單一樣。

她判斷美國今次對香港23條立法的回應,比上次2020年針對香港國安法的回應克制。當然仍然要鬧美國干預香港事務。

你 或 有 興 趣 的 文 章