政事
特首選戰有啲進入膠著狀態，各候選人不斷上電視、電台節目，到目前都無乜大驚喜。
今早鬍鬚曾上港台節目，被問到若未能當選特首，會否接受做政協常委這些職位時，鬍鬚曾就話沒想過會輸。好多媒體攞咗呢句做題，都相當吸睛。
政壇高人就留意到鬍鬚曾講完無諗過會輸之後，仲有句「幾趣」，佢話自己興趣在香港，對全國(內地)認識不深。高人話聽完差啲跌落地，佢對內地認識不深，如做好特首呢份工呢？
高人想起之前鬍鬚曾都經常講同內地財金系統好熟，佢之前亦以中國代表團成員身份出席過G20會議，去年仲在facebbok上貼上同與中央財經領導小組辦公室主任劉鶴的合照，最近接受訪時仲話同劉鶴有好多相同經驗，很多方面有傾談，在政策上、國際趨勢的看法、香港經濟情況，尤其是監管方面，有好大的認同。
高人問，咁到底鬍鬚曾熟唔熟內地呢？
不過，早幾日Ariel已寫過在兩會開會期間，有人問起劉鶴是否支持曾俊華選特首? 劉鶴話他當時根本不知道曾俊華要選特首，更遑論支持他。他對有人到處貼他與曾俊華的合照，甚感不滿。至少知道兩個人就唔熟啦。
其他特首候選人還有林鄭月娥和胡國興。
Ariel
** 博客文章文責自負,不代表本公司立場 **
匯賢智庫理事會主席葉劉淑儀又有新搞作，計劃在下月中港搞「2024全球繁榮峰會」，邀請全球近300個嘉賓來港，討論影響全球繁榮的議題。
葉劉淑儀計劃在下月中港搞「2024全球繁榮峰會」。
峰會邀請了諾貝爾化學獎得主、國際結構生物學權威羅傑．大衛．科恩伯格教授（Professor Roger D. Kornberg）擔任主題演講嘉賓，主講者甚有份量。
諾貝爾化學獎得主科恩伯格教授將擔任主題演講嘉賓。
葉太話希望外國朋友嚟香港睇睇，香港一切冇變，生活如常。佢話香港應有角色，應該是缓沖區而不是戰場，要推動民間交流。
峰會的演講嘉賓，還包括知名經濟學家、霍普金斯應用經濟學教授漢克（Steve Hanke）。
葉太又評估政治形勢，話23條立法已經軟著陸，美國暫時不會太強硬針對香港。她每日收到有關外國對香港的新聞簡報，發覺近日外國已不太關心香港政治，主要關心經濟問題，例如某些外資銀行裁員等等。
她認為，美國宣佈針對香港23條立法的行動，主要是國務卿布林肯話，要限制香港相關官員入境美國。但布林肯的限制名單不會公開，正如香港拒絕外國人入境也不會公開名單一樣。
她判斷美國今次對香港23條立法的回應，比上次2020年針對香港國安法的回應克制。當然仍然要鬧美國干預香港事務。
