就盛傳陳美齡獲邀任新一屆教育局長，麥明詩於facebook貼上有人留言「陳美齡有幾個仔入史丹福？咁不如唔爭在叫麥明詩阿媽嚟做……」的截圖，之後她再留言「繼續硬sell麥太系列」。
麥明詩fb截圖
她說：「其實我阿媽真係ok㗎～後一屆諗諗佢啦。佢雖然冇PhD，不過都有個外國大學嘅master of education，同埋有一本賣得唔太差嘅著作。仔女都係讀政府津貼中學（我哋讀嗰陣未轉直資），個仔考香港AL入中大，個女考完會考之後去咗英國考高考，可以話係同時熟悉本地同埋外地嘅教育和考試制度，又識得鼓勵子女多元發展。佢自己仲要係職業治療師，又喺澳洲執業咗幾年，specialise in兒科，治療有學習障礙、自閉症、過度活躍、讀寫障礙等兒童，所以佢掌握唔同背景、能力嘅兒童嘅教育方法。最最最正係佢老公（即係我阿爸啦）麥卓生喺津貼中學做咗副校長多年，有實戰經驗，搵埋佢做副局長就冇得頂喇！咁我阿爸阿媽有高薪厚職，我就可以喺屋企un un腳唔使做喇！你話係唔係喇，麥何小娟！ FF完畢，繼續返工。」
麥明詩上載小時候與家人合照 (麥明詩fb圖片)
麥何小娟(左二)、女兒麥明詩(右二)、麥卓生(左一)、麥明山(右一)
最正都係麥太神回應：「阿女唔好發夢，諗住唔洗（使）畀家用～」，網民紛紛讚好，「麥媽媽好嘢」、「你哋兩母女好鬼可愛」、「撐啊，撐埋麥小姐做水務署長」。
麥明詩 (資料圖片)
