「唧牙膏式」貼婚照遭網民反感 麥明詩真摯致歉盡顯高情商

11日麥明詩再出Post致歉，禮貌回覆網民的批評，盡顯高情商

「十優港姐」麥明詩（Louisa）與飛機師老公盛勁為（Keith）上個月開始馬拉松式婚禮，大搞三場婚禮，近日Louisa開始不斷連環分享婚禮的點滴以及花絮照，引不少網民反感兼怒轟：「晒夠未？！」、「見好就收啦」。11日麥明詩再出Post致歉，禮貌回覆網民的批評，盡顯高情商。

麥明詩連搞三場婚禮

相當忙碌！

網民寸爆留言：「真係準備講到聖誕節」，麥明詩禮貌回覆：「冇辦法呀，好多朋友同Sponsor（贊助）要多謝，我諗要Po多一個禮拜到啦，忍忍。」之後她又繼續po出多張接新娘及派喜餅照，不過開頭就「戴定頭盔」：「Sorry真係唔想Po咁多嘢阻住大家咁，只不過真係有唔少品牌同埋朋友要多謝番。之前亦都希望應使則使、可慳則慳（幫盛生慳！）所以拜託大家忍耐一下。」

再出post

再出post

再出post

帶定頭盔先！

遭網民投訴！

麥明詩同夫家關係十分好。

「十優港姐」麥明詩（Louisa）3月底與機師男友盛勁為正式拉埋天窗，升呢成為「盛太」。近日，盛勁為在社交網大讚老婆貼心，透露老婆親自策劃及翻新盛勁為從小長大的公屋，讓老爺奶奶住得更舒適。

二人婚後齊齊孖住出活動

從不介意丈夫出身公屋的麥明詩曾分享老公成長地田景邨拍攝的婚照，並寫道：「Home is where we start from」，獲網民大讚貼地。與夫家關係極好的麥明詩近日又發功氹老爺奶奶，一手策劃推動再搵埋師傅為老爺奶奶住緊的500呎公屋改造，將舊居煥然一新。

兩家人關係融洽，經常一齊去玩

盛勁為在IG發文寫道：「呢間屋住左差唔多30年，500幾尺住兩大人四個細路，記得以前考試都喺張床度溫書，溫兩溫就瞓着左。而家個個都各自成家立室，間屋都有啲日久失修。全靠老婆 @louisa_mak 一手策劃推動再搵埋師傅，幾個禮拜就靚仔左咁多，間屋改造後真係好開揚同好有活力，仲有埋個小型遊樂場，啱晒俾啲孫去玩🤣 爸媽表示住得非常高興，令我都想多啲返娘家食飯 haha」。

舊居已十分殘舊

牆身仲有啲發霉

影片所見，本想油漆剝落的牆身及發霉的天花板裝修後變得乾淨，大廳牆身塗上了橙色增加光猛度和明亮度，又換上新的白色組合櫃以及米白色梳化，簡約清新，網民均大讚麥明詩：「好家嫂」。

裝修後光猛好多

客廳仲油了橙色牆，好有活力

有健身架

白色梳化令成間屋更光猛

仲換埋淺木色上下格床