娛圈事
希望事年盡快平息。
陳淑蘭日前在社交平台發表 「引狼入室論」，與友人Crystal隔空罵戰，姊妹因而反目。昨日她返回電台主持節自，她表示由頭到尾也沒有罵戰，件事發生頗愕然及莫名其妙，她介紹友人Crystal到緋聞男友利承武旗下餐廳工作，餐廳不與Crystal續約，自己也不知發生甚麼事。
網上圖片
至於Crystal在社交平台的留言是否不實？蘭子說不會回應 ，延續下去又找對方回應，只會「癲癲」相報何時了，事件牽涉第三者及公司，說話不實造成誹謗，若支持自己的說話是真實，便要公開公司的事，她覺得沒需要，同時公司已發出警告信給對方不要亂說話，她亦知會律師，交由專業人士處理，事情發展對這一刻已經完滿結束。
蘭子返港台做節目，被記者包圍受訪。
蘭子在平台提及家賊難防，她說不想將件事對號入座，現時不單娛樂大家，事件涉及公司。她笑言引起傳媒關注感覺有點飄飄然，令她有機會宣傳電台節目及專欄。
蘭子從不承認與利承武感情關係。
蘭子從不承認與利承武感情關係。
蘭子強忍眼淚讀出林超榮三個女兒撰寫的親筆信，原來超人的遺願是做區議員。
身兼編劇、導演、節目主持多職、人稱「超人」的創作人林超榮12月12日病逝，終年61歲。林超榮生前為港台主持電台節目《開心日報》，12月13日播出的《開心日報》製作了《懷念林超榮特輯》，一眾主持輪流分享與林超榮相處的點滴時，一度泣不成聲。
人稱「超人」的資深傳媒人林超榮12月12日逝世，享年61歲。
林超榮於2007年起加入港台第一台《開心日報》擔任主持，他以風趣幽默風格見稱，愛扮鬼扮馬，他於11月8日最後一次主持節目。
與林超榮私交甚篤的陳淑蘭（蘭子），在節目尾聲強忍眼淚讀出一封由林超榮三名女兒寫給爸爸的最後一封信，當中除了提到林超榮與她們相處的點滴，女兒亦透露原來林超榮的遺願是做區議員。
一起主持港台節目《開心日報》的好友陳淑蘭（蘭子）亦有到醫院送他最後一程。
林超榮女兒親筆信全文：
「超人爸爸嘅傳奇人生昨日煞青咗，我好鍾意亦好唔捨得呢個唔梳頭、得返四隻牙、拎住個穿窿紙袋，入面袋住三本書，仲係過期未交罰款，同埋將粗口發揮得淋漓盡致嘅爸爸。爸爸，個個嚟探你嘅朋友都話你真係好好，又搞笑，又遴鬼迍，但係乜人都幫。講到幫人，爸爸都有「有志不得伸」嘅時候。
講個秘密畀大家聽，爸爸其實一直都想做區議員，除咗可以幫人之外，仲有個天大契機，就係可以喺嗰區周街免費泊車。喺《開心日報》報道主持離世咁傷心嘅消息， 成件事好有爸爸嘅作風，你乜都睇得咁樂觀。爸爸冇嘢做唔成，唯獨係做唔到嚿電芯，爸爸只有正極，冇心機，正能量爆滿，爸爸係所有人心中嘅開心果。好掛住嗰個10:30電台開工，10點先電話響，再聽多一句「哎呀！」然後牙都唔刷就衝去返工嘅爸爸，我問你，個口咁臭畀人聞到㗎喎，你話是但啦，啲聽眾都聞唔到嘅。冇錯，爸爸真係好污糟，不過幫佢澄清返，爸爸一日沖兩三次涼，一日洗廿幾套衫，只不過都係得一條底褲。爸爸，你咁鍾意講嘢，喺另一個世界記得開返場棟篤笑任你噏，到時開再間書店同文具店，到時大把筆俾你偷，冇人再話你用鋼漏墨漏到隻手變黑色喇。爸爸生前真係好鍾意筆，見筆就攞，前日已經得到朋友馬小強證實，爸爸確實有『戀筆癖』，爸爸對筆嘅喜愛程度，大至動作全伊利沙伯醫療團隊為已經住院嘅爸爸喺舊病房找尋失物鉛筆一支，當中具有誇大成份，請自行斟酌。
爸爸，你喺滂沱大雨中都不忘拯救一竇BB貓，唔知係咪因為佢哋喺你書店大，成日𥄫你做緊啲乜嘢，而家又俾我哋叫做肥仔，又係隻污糟貓。一切嚟得太急啦，最後一句聽爸爸你講嘅竟然係『嘩！梅菜剁豬肉，正呀！』邊有人做化療都咁有胃口㗎？爸爸，你真係好努力、好叻、好犀利，我哋永遠愛你，你永遠都喺我哋身邊。雖然WhatsApp group嘅訊息以後唔會再全員已讀All seen，但係你你對我哋嘅好，對我哋嘅付出，你一生人做過嘅好事，我哋所有人Well received，收到晒，再見啦爸爸。」
陳淑蘭喊住讀出林超榮三名女兒親筆信。
林超榮老婆屈穎妍是專欄作家、建制派KOL，兩人育有三名女兒。
林超榮過往曾在訪問中指出，自己前半生努力搵銀，除了供書教學之外，更已留下物業與三名女兒，經已「盡晒責任」。
