R.I.P.
馬料水白石角有地盤工人暈倒,送院後證實不治。
事發下午4時半,馬料水白石角一個地盤一名男工友突然暈倒昏迷,送那打素醫院急救後不治。警方正調查案件,初步並無可疑。
社會事
每個為生活努力的人都值得被尊重、體諒
夏日炎炎,地盤工人在烈日當空下勞動,其中辛苦卻不為人知。不過近日有網民於社交平台發文,怒轟三名地盤工人弄污糟茶餐廳的枱櫈。他指日前到某茶記用膳,鄰座有三名身穿工作服裝的地盤工人,他們因工作關係弄至全身水泥,卻未有更換衣服及水鞋便堂食,導致枱櫈及地板也沾滿沙塵,辛苦清潔阿姐要抹地抹櫈「想做死阿姐?」。
該食客於Facebook群組「祥龍圍邨 & 清河邨」上傳多張照片,從照片可見三名地盤工人坐在「卡位」玩手機,他們衣服及長靴水鞋也沾有水泥及沙塵,樓主懷疑他們工作後未有更衣及清潔便進入茶記堂食「落完石屎,張櫈同埋地下都係紅毛泥,下一手坐落去一褲都係,換過條褲,換過對鞋先放飯啦」。
當地盤工人離開後,樓主更上前為沾滿灰塵的餐椅拍照,之後一名清潔阿姐亦特意上前清潔他們的座位及拖地,樓主不禁大罵「想做死阿姐」。樓主看不過眼,於是將三人的照片上載社交平台公審。
此帖一出即引起網民熱議,樓主圍爐不成反被網民插「厚多士」及涼薄「樓主咁矜貴,叫個廚師上門煮埋俾你食」、「你有冇做過地盤?你知唔知咩叫地盤,你真係不知所謂」、「一個鐘頭食飯時間,已經又熱又累,唔通要沖埋涼換晒衫先去得食飯」、「可唔可以體諒下呢 ?下下出相公審 ?」、「可唔可以尊重下人尊重下自己? 清潔姐姐係人地盤佬唔係人?人哋都未出聲,你出乜嘢聲?」、「將心比心,冇咗佢地,你有鬼咁舒服做鍵盤戰士。你絕對冇同情心」。
亦有人支持樓主,指不是歧視地盤工人,而是每個有都應該有責任保持地方清潔「雖然自己都係做地盤,不過每次都洗乾淨對鞋,我都好憎呢種人,不知所謂」、「唔好話地盤工人吖 裝修嗰咋又係 成日見踩到住宅/商場周圍腳印然後拍吓籮柚走咗去」、「如果自己識做抹返張櫈,又或者講句唔好意思,會好啲」、「就算唔換鞋攞水喉沖一沖對鞋都係基本野,唔係既話就叫外賣到地盤」。