巴士服務,最緊要準時
有市民表示,九巴的298E號線巴士近日多次比原定時間提早兩三分鐘開出,導致需要多等20分鐘乘搭下一班車,令上班本來準時變成遲到。
在將軍澳工業邨上班的陳先生,習慣於坑口巴士總站轉乘下午1時20分開出的298E回公司,每日通常會預早一兩分鐘到達總站上車。但陳先生指,就算提早也只是剛剛趕得及,「有時先19分,已經閂埋門開走,其他乘客匆匆忙忙趕上車,原本啲客無必要咁趕」。
陳先生指近日情況更明顯,遇上巴士提早3分鐘開出,下一班又不會相應提早開出,變相等22、23分鐘乘搭下一班車。陳先生希望巴士公司正視,「你班次明明寫20分鐘一班,咪應該1點20分開囉,你(車長)鐘意就早成3分鐘」。他坦言,「搞到啲客預唔到時間,早兩三分鐘好似好小,但啲客搭車去追你個幾分鐘,就要早成10分鐘出門」。